सिन्नर (इंडिया दर्पण वृत्तसेवा) – तालुक्यातील मुसळगाव येथे पोलिस भरतीसाठी पळण्याचा सराव करीत असतानाच एका तरुणाचा हृदयविकाराच्या झटक्याने मृत्यू झाला. ही हृदयद्रावक घटना शुक्रवारी घडली. भारत पोपट जाधव (वय २८) असे मृत तरुणाचे नाव आहे. या घटनेमुळे मुसळगाव येथील नागरिकांवर व जाधव कुटुंबियांवर दुःखाचा डोंगर कोसळला आहे.
भारत पोलिस भरतीसाठी रोज सराव करत असे. पोलिस होण्याचे त्याचे स्वप्न होते. नेहमीप्रमाणे भारत हा मित्रांसोबत धावण्याचा सराव करत होता. यावेळी अचानक तो खाली कोसळला. त्यास मित्रांनी तत्काळ सिन्नर येथे खासगी रुग्णालयात दाखल केले. खासगी रुग्णालयातून त्याला शासकीय रुग्णालयात हलवण्यात आले. येथे वैद्यकीय अधिकाऱ्यांनी तपासून त्याला मृत घोषित केले. पोलिस भरतीसाठी पळण्याचा सराव करीत असतानाच हृदयविकाराच्या झटक्याने मृत्यू झाल्यामुळे हळहळ व्यक्त केली जात आहे. तरुण नोकरीसाठी प्रचंड मेहनत घेत असतात. पण, अशा काही घटनेमुळे सर्वांनाच धक्का बसतो.
sinner youth death heart attack
nashik district police recruitment
