इंडिया दर्पण ऑनलाईन डेस्क – उत्तर प्रदेशातील कानपूरमध्ये अतिशय धक्कादायक प्रकार समोर आला आहे. पतीने गळफास घेऊन आत्महत्या केली. मात्र, तब्बल २९ दिवस त्याचा मृतदेह फासावरच लटकलेला असल्याचे दिसून आले आहे. पत्नी घरी आल्यानंतर हा प्रकार उघड झाला आहे. या घटनेमुळे परिसरात एकच खळबळ उडाली आहे.
कानपूरच्या बिल्हौरमध्ये ही घटना घडली आहे. पतीसोबत वाद झाल्याने पत्नी नणंदेच्या घरी निघून गेली. पत्नी घरी परतली तेव्हा तिला तिच्या पतीचा मृतदेह फासावर लटकलेला आढळला. सुमारे २९ दिवस मृतदेह फासावर लटकत होता, अशी भीती व्यक्त होत आहे. लोकवस्तीपासून दूर असलेल्या घराला बाहेरून कुलूप होते. त्यामुळे या घटनेचा सुगावाही कोणालाही लागला नाही.
हे प्रकरण अरौल पोलीस ठाण्याच्या हद्दीतील गिलवत अमीनाबाद गावातील आहे. सुदामा शर्मा (३०) हे पत्नी कीर्ती शर्मा आणि दोन मुलांसह राहत होते. वडील शिवकुमार आणि दोन भावांच्या मालमत्तेचे विभाजन झाल्यानंतर ते गावापासून थोडे दूर नवीन घरात राहू लागले. पत्नी कीर्तीने सांगितले की, १८ डिसेंबर रोजी पतीसोबत वाद झाला होता. यानंतर ती दोन्ही मुलांसह उत्तरापुरा येथे नणंदेच्या घरी गेली. २१ डिसेंबरपर्यंत पतीशी मोबाईलवर संभाषण सुरूच होते. त्यानंतर पतीशी बोलणे झाले नाही. २१ डिसेंबर रोजीच पतीने घराचा दरवाजा बाहेरून लावल्याची भीती व्यक्त होत आहे.
यानंतर पतीनेच कसातरी घरात प्रवेश केला आणि गळफास लावून घेतला. अखेर कीर्ती घरी आल्यानंतर तिला पतीचा मृतदेह लटकलेल्या अवस्थेत आढळून आला. पोलिस स्टेशन प्रमुख अरुण कुमार यांनी सांगितले की, मृतदेह पोस्टमॉर्टमसाठी पाठवण्यात आला आहे. मृतदेह २५ ते ३० दिवसांचा दिसत आहे.
Shocking Husband Hang Suicide 29 Days Dead Body Hanging
Uttar Pradesh Kanpur Crime
