रोज सकाळी ८ वाजता वाजणारा सायरन बंद झाला; एकनाथ शिंदेंची खोचक प्रतिक्रीया

मुंबई (इंडिया दर्पण वृत्तसेवा) – संजय राऊत यांच्या अटकेवर शिवसेनेचे बंडखोर नेते आणि मुख्यमंत्री एकनाथ शिंदे यांनी खरपूस समाचार घेतला आहे. शिंदे म्हणाले की, रोज सकाळी ८ वाजता वाजणारा सायरन आता बंद झाला आहे. शिंदे यांनी रविवारीही सांगितले होते की, त्यांनी काही चुकीचे केले नसेल तर घाबरू नका. कर नाही तर डर कशाला, असेही त्यांनी म्हटले होते.

दरम्यान, गृह राज्यमंत्री अजय मिश्रा टेनी यांचे म्हणणे आहे की, संजय राऊत यांच्याविरोधात बराच काळ तपास सुरू होता आणि आता काही पुरावे मिळाल्यानंतरच ईडीने त्यांना अटक केली आहे. यापूर्वीही त्यांची अनेकदा चौकशी झाली आहे. संजय राऊत यांची अनेकदा चौकशी झाली. हे प्रकरण आजचे नाही, बरेच दिवस चालले होते आणि काही पुरावे मिळाल्यावरच ईडीने त्याला अटक केली आहे. एजन्सी पुराव्याशिवाय अशी कारवाई करत नाहीत, असेही त्यांनी स्पष्ट केले.

दरम्यान, संजय राऊत यांच्या अटकेवरून संसदेत गदारोळ झाला. आज सकाळपासून राज्यसभेपासून लोकसभेपर्यंत प्रचंड गदारोळ सुरू होता. त्यामुळे दोन्ही सभागृहांचे कामकाज दुपारी १२ वाजेपर्यंत तहकूब करण्यात आले, त्यानंतर शिवसेना खासदारांनी सभागृहाबाहेर येऊन गदारोळ सुरू केला.

https://twitter.com/IndiaDarpanLive/status/1553990463228608512?s=20&t=GPYRNP7hljyCswfIeB2RwA

https://twitter.com/IndiaDarpanLive/status/1553990257795809280?s=20&t=GPYRNP7hljyCswfIeB2RwA

Shivena Rebel Chief Minister Eknath Shinde on Sanjay Raut