नवी दिल्ली (इंडिया दर्पण वृत्तसेवा) – ‘साराभाई व्हर्सेस साराभाई’ या शोमध्ये चमेलीची भूमिका करणारी अभिनेत्री वैभवी उपाध्याय हिचे आज सकाळी निधन झाले. हिमाचल प्रदेशमध्ये एका कार अपघातात वैभवीचा मृत्यू झाला. ती ३२ वर्षांची होती. चंदिगड येथील तिचे कुटुंबीय तिचे पार्थिव मुंबईत आणत आहेत. वैभवीच्या पार्थिवावर आज समुंबईत अंत्यसंस्कार करण्यात येणार आहेत.
साराभाई व्हर्सेस साराभाई टेक २ या शोमध्ये वैभवीसोबत काम करणारे निर्माता-अभिनेता जेडी मजेठिया यांनी या बातमीला दुजोरा दिला. रस्त्यावर वळण घेत असताना उपाध्याय यांची कार दरीत पडल्याचे त्यांनी उघड केले. त्यांनी सांगितले की, वैभवीचा प्रियकरही कारमध्ये होता, त्याची प्रकृती स्थिर असल्याचे सांगण्यात येत आहे.
इंस्टाग्राम स्टोरीवरील एका पोस्टमध्ये त्यांनी ही घटना उत्तर भारतात घडल्याचे सांगितले. जेडी मजेठिया यांनी त्यांच्या पोस्टमध्ये लिहिले आहे की, “आयुष्य खूप अनाकलनीय आहे. एक अतिशय चांगली अभिनेत्री, प्रिय मैत्रिण वैभवी उपाध्याय, जिला साराभाई विरुद्ध साराभाईची ‘जस्मिन’ म्हणून ओळखले जाते. तिचे निधन झाले. उत्तरेतील एका अपघातात तिचे कुटुंबीय तिचे पार्थिव आणणार आहेत. मुंबईत बुधवारी अंत्यसंस्कार होतील. वैभवीच्या आत्म्याला शांती लाभो.”
वैभवी २०२० मध्ये प्रसिद्ध अभिनेत्री दीपिका पदुकोणसोबत ‘छपाक’ आणि ‘तिमिर’ (२०२३) या चित्रपटांमध्ये दिसली होती. गुजराती थिएटर सर्किटमध्ये ही अभिनेत्री लोकप्रिय होती. टीव्ही शो ‘साराभाई वर्सेस साराभाई’ व्यतिरिक्त, उपाध्याय हिने ‘क्या कसूर है अमला का’ आणि ‘प्लीज फाइंड अटॅच्ड’ या डिजिटल मालिकेतही काम केले होते.
Sarabhai Fame Actress Vaibhavi Upadhyay Car Accident Death
