नवी दिल्ली (इंडिया दर्पण वृत्तसेवा) – पंजाबच्या एका गावातील गडगंज श्रीमंत तरुणांनी ब्लॅकमेलिंगच्या माध्यमातून एकापाठोपाठ एक बलात्कार करत बलात्काराची मालिकाच चालवली. सोशल मिडियावरील मैत्रीच्या निमित्ताने या तीन तरुणांनी केलेला हा प्रकार आता उघडकीस आला असून तिन्ही आरोपी फरार आहेत.
सोशल मिडियावरील अनोळखी व्यक्तीसोबतची मैत्री किती महागात पडू शकते, याची अनेक उदाहरणे देता येतील. सुरुवातीला मैत्री करणे, मग चॅटिंगद्वारे संवाद वाढवणे आणि नंतर या प्रेमाच्या जाळ्यात अडकवून बलात्कार करणे अश्या अनके घटना दररोज होत असतात. सोशल मिडिया किती घातक आहे हे माहिती असतानाही मुलींनी काळजी न घेणे चिंताजनक मानले जात आहे. याचीच प्रचिती देणारी घटना पंजाबच्या मोगा जिल्ह्यातील सुखानंद गावात घडली.
या गावातील तीन श्रीमंत तरुण इन्स्टा, फेसबुकच्या माध्यमातून तरुणींशी मैत्री करायचे. त्यांना प्रेमाच्या जाळ्यात अडकवायचे आणि त्यानंतर त्यांचे अश्लील व्हिडियो करून ब्लॅकमेल करायचे. या आपल्या मैत्रीणीला घेऊन ये नाही तर व्हिडियो व्हायरल करेन, अशी धमकी द्यायचे. त्यामुळे त्या तरुणी मैत्रिणींना घेऊन आल्यावर त्यांच्यावरही हे तरुण बलात्कार करायचे. आणि त्यांनाही ब्लॅकमेल करायचे. यामाध्यमातून त्यांनी बलात्काराची मालिकाच चालवली होती. पोलिसांना या घटनेची माहिती मिळाली तोपर्यंत तिन्ही आरोपी फरार झालेले होते. त्यांच्याविरुद्ध गुन्हा दाखल करण्यात आला असून तपास सुरू आहे.
असा उघडकीस आला प्रकार
पीडितांपैकीच एका तरुणीने एका आरोपीला भेटायला बोलावले आणि ओळखीच्या लोकांकडून त्याला घेराव करून त्याच्याकडून मोबाईल काढून घेतला. त्यानंतर तो मोबाईल पोलिसांच्या ताब्यात दिला आणि तक्रार केली. या तक्रारीनंतरच त्यांनी अनेक तरुणींवर बलात्कार केल्याचे उघडकीस आले.
Punjab Big Sex Racket Burst Rich Young Girls Rape
