पुणे (इंडिया दर्पण वृत्तसेवा) – पुण्यात गेल्या काही दिवसांपासून अत्यंत धक्कादायक घटना घडत आहेत. या सर्व घटना गुन्हे विश्वाशी जुळलेल्या असल्याने पुणेही आता सुरक्षित राहिलेले नाही, अशी भावना लोकांमध्ये निर्माण होत आहे. त्यात आता एका तरुणाने बहिणीच्या नवऱ्याची हत्या करून स्वतःचे आयुष्य संपविल्याची घटना घडली आहे.
कौटुंबिक हिंसाचाराने त्रस्त असलेल्या बहिणीला नवऱ्याच्या जाचातून मुक्त करण्यासाठी भावाने टोकाचे पाऊल उचलले. पण आता आपल्या जगण्यात काहीही अर्थ उरणार नाही, याची जाणीव झाल्यामुळे त्याने स्वतःदेखील गळफास घेतला. आपल्या बहिणीचा त्रास भावाला बघवत नव्हता. शेवटी त्याने बहिणीच्या नवऱ्याची हत्या करण्याचा निर्णय घेतला. रागाच्या भरात भावाने हा निर्णय घेतला. हत्या केल्यानंतर मेव्हण्याने स्वत: देखील गळफास घेतला. पोलिसांना या प्रकरणाची माहिती मिळताच त्यांनी आपला तपास वाढवला.
तपासात पुढे महिलेने पोलिसांना दिलेल्या माहितीनुसार, भावाने तिच्या पतीची डोक्यात रॉड घालून हत्या केली. नंतर त्याने स्वत: देखील गळफास घेत आपलं जीवन संपवलं. याबाबातची माहिती भावाने स्वत: मला दिली होती असं महिलेने म्हटलं आहे. बहिणीच्या प्रेमासाठी भावाने हे टोकाचे पाऊल उचलले खरे, पण त्याचा अंत अतिशय भयावह राहिला, अशी भावना व्यक्त होत आहे.
वसईमध्ये पार्टनरची हत्या
मुंबईच्या वसईमध्ये नायगाव भागात एका तरुणाने आपल्या लिव्ह इन पार्टनरची हत्या केली. हत्या करून नदीमध्ये त्याने तरुणीचे शव सुटकेसमध्ये भरून फेकून दिले. या थराररक घटनेत तरुणाच्या पत्नीने देखील त्याची साथ दिली. पोलिसांनी पती पत्नी दोघांनाही ताब्यात घेतले आहे.
Pune Crime Sister Molestation Murder Relative Suicide
