इंडिया दर्पण ऑनलाईन डेस्क – अभिनेत्री प्रियांका चोप्रा आणि गायक निक जोनास यांची सर्वाधिक चर्चेत असलेली जोडी आहे. दोघांमध्ये खूप प्रेम आहे आणि ते हे प्रेम जगासमोर व्यक्त करत राहतात. सोशल मीडियावर दोघेही एकमेकांवर प्रेमाचा वर्षाव करण्यापासून मागे हटत नाहीत. अलीकडेच, निकने त्याच्या आणि प्रियांकाच्या भिन्न धर्मांबद्दल आणि त्यांच्या मुलीवर त्यांच्या धर्माचा कसा प्रभाव पडेल याबद्दल सांगितले.
प्रियांका आणि निक हे केवळ बॉलिवूडच नव्हे तर हॉलिवूडमधील सर्वात लोकप्रिय जोडप्यांपैकी एक आहेत. दोघेही अनेकदा मीडियामध्ये स्पॉट केले जातात आणि दोघेही एकमेकांवर प्रेमाचा वर्षाव करण्याची एकही संधी सोडत नाहीत. आता नुकत्याच झालेल्या एका मुलाखतीत निकने आपली मुलगी मालतीच्या संगोपनाबद्दल आणि त्याला आपल्या मुलीचे संगोपन कसे करायचे आहे याबद्दल खुलासा केला.
अलीकडेच एका मुलाखतीत निकने आपल्या मुलीबद्दल बोलताना खुलासा केला की, त्याने मालती मेरीला बायबल मधील तत्त्वे आणि हिंदू धर्मातील विविध बाबी सांगणार आहे. “माझा देवाशी खोल आणि मनापासून संबंध आहे, परंतु मी पुस्तकात वाचलेल्या गोष्टींपेक्षा देवाने अनेक रूपे धारण केली आहेत,”. त्यामुळे आम्ही तिला दोन्ही धर्मांचे शिक्षण देणार असल्याचे निक याने स्पष्ट केले.
निक पुढे म्हणाला, ‘हिंदू मुलीशी लग्न केल्यानंतर मला त्या धर्माबद्दल आणि आस्थाबद्दल इतकं काही कळलं आहे की ते खूप प्रेरणादायी आहे. आम्ही एका मुलीचे संगोपन करत आहोत. तिच्याकडे बायबलची तत्त्वे आणि हिंदू धर्मातील तत्त्वे असतील. आम्ही आमच्या मुलीला दोन्ही धर्मांचे महत्त्व सांगू आणि तिने त्या धर्मांची पुस्तके स्वतः वाचावीत आणि स्वतःचा दृष्टीकोन बनवावा अशी आमची इच्छा आहे. ही गोष्ट केल्यानेच त्याला प्रत्येक धर्माचे ज्ञान मिळू शकेल, जे आपल्याला हवे आहे, असे निक म्हणाला.
Priyanka Chopra Nick Jonas Daughter Malti Education
