इंडिया दर्पण ऑनलाईन डेस्क – जपानचा दौरा संपवून पंतप्रधान नरेंद्र मोदी आज सायंकाळी पापुआ न्यू गिनी येथे पोहोचले. त्यांचे विमान मोरेस्बी (जॅक्सन) आंतरराष्ट्रीय विमानतळावर उतरले. यावेळी त्यांचे पारंपरिक पद्धतीने स्वागत करण्यात आले. पापुआ न्यू गिनीचे पंतप्रधान जेम्स मार्पे यावेळी उपस्थित होते. पंतप्रधान जेम्स मार्पे यांनी पंतप्रधान मोदींच्या चरणांना स्पर्श करून आशीर्वाद घेतले. प्रत्युत्तर म्हणून पंतप्रधान मोदींनी त्यांना मिठी मारून त्यांचे अभिवादन स्वीकारले. FIPIC शिखर परिषदेत सहभागी होण्यासाठी पंतप्रधान मोदी पापुआ न्यू गिनी येथे पोहोचले आहेत.
मोदींसाठी बदलली परंपरा
पंतप्रधान मोदींची पापुआ न्यू गिनीची ही पहिलीच भेट आहे आणि भारताच्या कोणत्याही पंतप्रधानांची ही पहिलीच भेट आहे. त्यामुळेही हा दौरा खूप खास आहे. पापुआ न्यू गिनीमध्ये संध्याकाळनंतर राष्ट्रप्रमुखांचे पारंपारिक स्वागत केले जात नाही, परंतु पंतप्रधान मोदींच्या बाबतीत पापुआ न्यू गिनीने आपली परंपरा बदलली आहे. पंतप्रधान मोदींचे पापुआ न्यू गिनी येथे आगमन होताच त्यांचे पूर्ण राज्य सन्मानाने पारंपारिक स्वागत करण्यात आले. पंतप्रधान मोदींचे स्वागत करण्यासाठी पापुआ न्यू गिनीचे पंतप्रधान स्वतः विमानतळावर पोहोचले. यानंतर मोदींना गार्ड ऑफ ऑनरही देण्यात आला. येथे परदेशी भारतीयांनीही पंतप्रधान मोदींचे स्वागत केले.
https://twitter.com/pravinmalibjp/status/1660289710605074433?s=20
भारत आणि हिंद पॅसिफिक महासागर क्षेत्रात चीन सातत्याने आपली उपस्थिती मजबूत करत आहे. आता भारतानेही आपल्या शेजारी चीनला आव्हान देण्याची तयारी केली आहे. या अंतर्गत भारत हिंद पॅसिफिक महासागर क्षेत्रात आपली उपस्थिती वाढवत आहे. याअंतर्गत पंतप्रधान मोदींचा पापुआ न्यू गिनी दौरा अत्यंत महत्त्वाचा आहे. पापुआ न्यू गिनी येथे फोरम फॉर इंडिया पॅसिफिक आयलंड कोऑपरेशन कॉन्फरन्सच्या तिसर्‍या बैठकीचे सह-अध्यक्षता पंतप्रधान मोदी करणार आहेत.
ही परिषद पापुआ न्यू गिनी येथे होणार असून हिंद प्रशांत महासागर क्षेत्रातील 14 देशांचे प्रतिनिधी यात सहभागी होणार आहेत. सोमवारी ही बैठक होणार आहे. 2014 मध्ये पंतप्रधान मोदींनी फिजीमध्ये FIPIC सुरू केली होती.
https://twitter.com/PMOIndia/status/1660278756760784896?s=20
Prime Minister of Papua New Guinea seeks blessings of Prime Minister Narendra Modi
