शिंदे गटाला (बाळासाहेबांची सेना) मिळाले हे चिन्ह; निवडणूक आयोगाचा निर्णय

नवी दिल्ली (इंडिया दर्पण वृत्तसेवा) – शिवसेनेतून बाहेर पडलेल्या शिंदे गटाला (बाळासाहेबांची शिवसेना) अखेर चिन्ह मिळाले आहे. केंद्रीय निवडणूक आयोगाने शिंदे गटाला बाळासाहेबांची शिवसेना हे नाव दिले होते. मात्र, चिन्ह दिले नव्हते. शिंदे गटाने निवडणूक आयोगाकडे तीन चिन्हांचा पर्याय ई – मेलद्वारे सादर केला होता. त्यात तळपता सूर्य, ढाल तलवार आणि पिंपळाचे झाड या चिन्हांचा समावेश होता. या तिन्हीपैकी ढाल तलवार हे चिन्ह शिंदे गटाला देण्यात आले आहेय

निवडणूक आयोगाने सोमवारी ठाकरे गटाला शिवसेना- उद्धव बाळासाहेब ठाकरे या नावाबरोबरच मशाल हे चिन्ह दिले. पण, शिंदे गटाला नाव दे शिंदे गटाने चिन्हासाठी दिलेले तिन्ही पर्याय फेटाळून लावले होते. त्यानंतर निवडणूक आयोगाने आज सकाळपर्यंत नवीन चिन्हाचा पर्याय देण्याचे आदेश दिले होते. त्यानंतर ही नवीन चिन्हांची यादी पाठवण्यात आली आहे.

केंद्रीय निवडणूक आयोगाने अखेर सोमवारी मोठा निर्णय जाहीर केला. शिवसेना पक्षामध्ये मोठी फूट पडल्यानंतर उद्धव ठाकरे आणि एकनाथ शिंदे या दोन्ही गटांमध्ये जोरदार संघर्ष सुरू आहे. शिवसेना हे नाव आणि धनुष्यबाण ही निशाणी आयोगाने गोठविली आहे. त्यानंतर आता ठाकरे गटाला नवे नाव आणि चिन्ह दिले तर शिंदे गटाला नाव दिले. पण, चिन्हाचा प्रश्नावर आज निर्णय होणार आहे.

ठाकरे गट
नाव – शिवसेना (उद्धव बाळासाहेब ठाकरे)
चिन्ह – मशाल
शिंदे गट
नाव – बाळासाहेबांची शिवसेना
चिन्ह – ढाल तलवार

https://twitter.com/ANI/status/1579807087609401344?s=20&t=liyk6Gjnonrx7LR6NSOnBw

Politics Shivsena Shinde Group Symbol Election Commission