येवला (इंडिया दर्पण वृत्तसेवा) – पण, छगन भुजबळ बदलला आहे असे बोलणा-याला येवल्यात मंत्री छगन भुजबळ यांनी प्रत्युत्तर दिले आहे. कांद्याला भाव नसल्याने आपण आवाज उठवला होता, आता भाव मिळतोय तसे अनुदानाचे पैसे पुरवणी मागणीत समाविष्ठ करण्यात आले असून लवकरच ते शेतकऱ्यांना मिळतील असेही त्यांन स्पष्ट केले. छगन भुजबळ काम करतोय ना तेवढे पुरेसे असल्याचे ते म्हणाले.
सत्तेत नसतांना कांद्याच्या भावावर रान उठवणारे छगन भुजबळ आता बोलत नसल्याच्या आरोपाला त्यांनी हे उत्तर दिल्याचे बोलले जात आहे. अजित पवार यांच्याबरोबर छगन भुजबळ हे सत्तेत सामील झाल्यानंतर कांद्याच्या भावाबद्दल ते बोलत नसल्याची चर्चा कांदा उत्पादक शेतक-यांमध्ये आहे. त्यामुळे भुजबळांनी त्यांचे स्पष्टीकरण दिल्याचे बोलले जात आहे.
