भाजपची राष्ट्रीय टीम घोषित… महाराष्ट्रातून यांना संधी… लोकसभा निवडणुकीसाठी अशी आहे रणनिती…

नवी दिल्ली (इंडिया दर्पण वृत्तसेवा) – लोकसभा निवडणुकीच्या हालचाली सुरु झाल्यामुळे भाजपच्या राष्ट्रीय स्तरावरील पदाधिकाऱ्यांच्या नावांची घोषणा भाजपचे राष्ट्रीय अध्यक्ष जे. पी. नड्डा यांनी केली आहे. या राष्ट्रीय पदाधिकाऱ्यांमध्ये महाराष्ट्रातील तीन नेत्यांना संधी देण्यात आली आहे. पंकजा मुंडे, विनोद तावडे, विजया रहाटकर यांची नियुक्ती करण्यात आली आहे. या राष्ट्रीय स्तरातील पदाधिका-यांमध्ये जुने व नवे चेहरे आहे. यात दोन माजी मुख्यमंत्र्यांचाही समावेश आहे.

भारतीय जनता पक्षाने आपल्या केंद्रीय पदाधिकाऱ्यांची यादी जाहीर केली आहे. यामध्ये पुढील वर्षी होऊ घातलेल्या लोकसभा आणि आगामी विधानसभा निवडणुका लक्षात घेऊन अनेक समीकरणे सांभाळली गेली आहेत. भाजपच्या राष्ट्रीय संघात १३ राष्ट्रीय उपाध्यक्ष, ८ राष्ट्रीय महासचिव, एक राष्ट्रीय सरचिटणीस (संघटन), एक राष्ट्रीय सह-संघटन सरचिटणीस, एक कोषाध्यक्ष, एक सहकोषाध्यक्ष आणि १३ राष्ट्रीय सचिवांची नावे जाहीर करण्यात आली आहेत. अध्यक्ष जेपी नड्डा यांनी नव्या यादीतील बहुतांश पदाधिकाऱ्यांना उपाध्यक्ष, सरचिटणीस, सचिव या पदांवर कायम ठेवले आहे.

भाजपने जारी केलेल्या यादीत राजस्थानच्या माजी मुख्यमंत्री वसुंधरा राजे, छत्तीसगडचे माजी मुख्यमंत्री डॉ. रमण सिंह, झारखंडचे माजी मुख्यमंत्री रघुबर दास आणि सौदान सिंह यांची पक्षाच्या राष्ट्रीय उपाध्यक्षपदी नियुक्ती करण्यात आली आहे. याशिवाय कैलाश विजयवर्गीय, अरुण सिंह आणि तरुण चुग यांना महामंत्री करण्यात आले आहे. यासोबतच बी. एल. संतोष यांची राष्ट्रीय सरचिटणीस (संघटन), शिव प्रकाश (लखनौ) यांची राष्ट्रीय सह-संघटन सरचिटणीसपदी, राजेश अग्रवाल (उत्तर प्रदेश) यांची खजिनदारपदी आणि नरेश बन्सल (उत्तराखंड) यांची सहकोषाध्यक्षपदी नियुक्ती करण्यात आली आहे.

१३ राष्ट्रीय उपाध्यक्ष असे
डॉ. रमण सिंह, आमदार छत्तीसगड
वसुंधरा राजे, राजस्थानच्या आमदार
रघुबर दास झारखंड
सौदान सिंग मध्य प्रदेश
बैजयंत पांडा ओडिशा
सरोज पांडे, खासदार छत्तीसगड
रेखा वर्मा, खासदार उत्तर प्रदेश
डीके अरुण तेलंगणा
एम. चौबा एओ नागालँड
अब्दुल्ला कुट्टी केरळ
लक्ष्मीकांत बाजपेयी, खासदार उत्तर प्रदेश
लता उसेंडी छत्तीसगड
तारिक मन्सूर, विधान परिषद सदस्य, उत्तर प्रदेश

८ राष्ट्रीय महामंत्री असे
अरुण सिंग, खासदार उत्तर प्रदेश
कैलाश विजयवर्गीय मध्य प्रदेश
दुष्यंत कुमार गौतम दिल्ली
तरुण चुघ पंजाब
विनोद तावडे महाराष्ट्र
सुनील बन्सल राजस्थान
संजय बांदी, खासदार तेलंगणा
राधामोहन अग्रवाल, खासदार उत्तर प्रदेश

१३ राष्ट्रीय सचिव असे
विजया रहाटकर महाराष्ट्र
सत्य कुमार आंध्र प्रदेश
अरविंद मेनन दिल्ली
पंकजा मुंडे महाराष्ट्र
नरेंद्रसिंग रैना पंजाब
अलका गुर्जर राजस्थान
अनुपम हाजरा पश्चिम बंगाल
ओमप्रकाश धुर्वे मध्य प्रदेश
ऋतुराज सिन्हा बिहार
आशा लाकरा झारखंड
कामाख्या प्रसाद तासा, खासदार आसाम
सुरेंद्रसिंग नगर, मध्यप्रदेश उत्तर प्रदेश
अनिल अँटनी केरळ

नव्या टीमची समीकरणे अशी
फेरबदलानंतर जे पी नड्डा यांच्या नव्या टीमने उत्तर प्रदेशातील पसमंदा मुस्लिम यांना पक्षाचे राष्ट्रीय उपाध्यक्ष आणि तेलंगणा युनिटचे माजी अध्यक्ष बंदी संजय कुमार यांना राष्ट्रीय सरचिटणीस बनवले आहे. भाजपने कर्नाटकचे नेते सीटी रवी आणि आसाम लोकसभा खासदार दिलीप सैकिया यांना सरचिटणीसपदावरून हटवले आहे. अलीगड मुस्लिम विद्यापीठाचे (एएमयू) माजी कुलगुरू तारिक मन्सूर यांची कुलगुरूपदी नियुक्ती करण्यात आली आहे. ते सध्या उत्तर प्रदेश विधान परिषदेचे सदस्य (MLC) आहेत. नवीन संघात त्यांचा समावेश करण्याचा निर्णय हा पक्षाने पसमंदा मुस्लिमांसाठी सुरू केलेल्या पुढाकाराचा एक भाग असल्याचे मानले जात आहे. बिहारचे लोकसभा खासदार आणि माजी केंद्रीय मंत्री राधामोहन सिंह यांची पक्षाच्या उपाध्यक्षपदावरून हकालपट्टी करण्यात आली आहे. काँग्रेसचे ज्येष्ठ नेते एके अँटनी यांचा मुलगा अनिल अँटोनी यांची राष्ट्रीय सचिवपदी नियुक्ती करण्यात आली आहे.