पिंपळगाव बसवंत (इंडिया दर्पण वृत्तसेवा) – पिंपळगाव शहरात नुकतेच चित्रीकरण झालेल्या मना आत्याना पोर्या से लई भारी हे अहिराणी गाणं लवकरच प्रेक्षकांच्या भेटीस येणार असल्याची माहिती निर्माते गीतकार कवी सोमनाथ पवार यांनी दिली.
हिरवाईने नटलेल्या व कृषिवैभवाच माहेरघर म्हणून ओळखल्या जाणाऱ्या पिंपळगाव शहरातील राणी फार्म हाऊसवर सोमनाथ पवार लिखित व संतोष राठोड दिगदर्शीत मना आत्याना पोऱ्या से लई भारी या अहिराणी गाण्याचे चित्रीकरण पार पडले. या अहिराणी गाण्याच्या चित्रीकरणासाठी नवोदित कलाकारांनी संधी देण्याचा प्रयास करण्यात आला आहे.
प्रसिध्द अहिराणी संगीतकार समीर शेख यांनी गाण्याला संगीत दिले. तर पंकज अहिरे यांनी चित्रीकरण केलं आहे, प्रमुख भूमिकेत ऋतुजा पाटील,व रवि खरे आहे. आई वडीलांच्या भुमिकेत, हिरामण साळवे व निता साळवे यांनी तर अन्य ठिकाणी योगेश थोरात व स्वाती थोरात यांनी भुमिका केल्या आहे. प्रेरणा भागवत हिने सहकलाकार म्हणून काम केले, कार्यक्रम यशस्वीतेसाठी, सचिन शेळके, विकास संधान, कवी मुकुंद ताकाटे, अमर हरळे ,बाळासाहेब वाळुंज,माधव पिंपरकर, राहुल पिंपरकर, डॉ समाधान बोराडे, शंकर गरूड, विष्णू पवार, सचिन पिंपरकर ,जालींदर गुंजाळ, विजयराज पाटील ,सचिन आहेर आदींनी परिश्रम घेतले.
