पुणे (इंडिया दर्पण वृत्तसेवा) – ऑनलाईन मिटींग (झुमवरील बैठका) मध्ये अनेकदा काही मजेशीर आणि हास्यास्पद घटना घडत असतात. आता, बाबा रामदेव यांच्या पतंजली ब्रँडशी संबंधित अधिकारी वर्गाच्या बैठकीत एक हास्यास्पद घटना घडली आहे. या बैठकीत उपस्थित एका व्यक्तीकडून अचानक पॉर्न व्हिडिओचं स्ट्रीमिंग करण्यात आलं. त्यानंतर, या झुम मिटींगमध्ये एकच गोंधळ उडाला. या बैठकीत काही महिलाही सहभागी होत्या. याप्रकरणी आता पोलिसांत गुन्हा दाखल करण्यात आला आहे.
ऑनलाईन बैठकांसाठी अप टू डेट अशा प्रकारात सर्वचजण असतील नसतात त्यामुळेच काही मनोरंजक घटना घडत असतात. योगपीठशी संबंधित आरोग्य संशोधन केंद्रात एक ऑनलाईन बैठक सुरू होती. बैठकीला देशविदेशातील अनेकजण उपस्थित होते. पुण्यातून मीटिंगमध्ये सहभागी झालेल्या एका तरुणानं पॉर्न व्हिडीओ सुरू केला. तरुणानं हा प्रकार जाणूनबुजून केला की त्याच्या हातून चुकून घडला हे स्पष्ट झालेलं नाही. पण, मीटिंगमध्ये पॉर्न व्हिडीओ सुरू झाल्याची खात्रीशीर माहिती समोर आली आहे.
याप्रकरणी हरिद्वारच्या बहादराबाद येथील पोलीस ठाण्यात तक्रारही दाखल करण्यात आली आहे. त्यानंतर, पोलिसांनी माहिती व तंत्रत्रान कायद्यांतर्गत गुन्हाही दाखल केला आहे. पुण्यातील येरवडास्थित कॉलेज कॅम्पसजवळ राहणाऱ्या आकाश नामक व्यक्तीविरुद्ध हा गुन्हा दाखल करण्यात आला आहे. पतंजलीशी संबंधित कमल भदौरिया आणि शिवम वालिया यांनी तक्रार नोंदवली. पतंजलीकडून एक तक्रार नोंदवण्यात आल्याची माहिती एसएसपी अजय सिंह यांनी दिली.
दिव्या फार्मसीची उत्पादने बॅन
पतंजलीची सर्व उत्पादने बनवणाऱ्या बाबा रामदेव यांच्या दिव्या फार्मसीला एक धक्का बसला आहे. जागतिक आरोग्य संघटनेच्या मानकांची पूर्तता न केल्यामुळे नेपाळ या देशाने दिव्या फार्मसीला काळ्या यादीत टाकले आहे म्हणजेच बॅन केले आहे. हे कठोर पाऊल केवळ दिव्या फार्मसीबरोबरच १६ भारतीय औषध कंपन्यांविरुद्ध उचलण्यात आले आहे.
Patanjali Online Meeting Play Porn Video Complaint
Cyber Crime