नवी दिल्ली (इंडिया दर्पण वृत्तसेवा) – पेन्शन फंड नियामक PFRDA च्या दोन पेन्शन योजनांबद्दल एक नवीन माहिती समोर आली आहे. राष्ट्रीय पेन्शन सिस्टम (NPS) आणि अटल पेन्शन योजना (APY). आता या योजनेशी संबंधित सदस्य देखील UPI द्वारे आपले योगदान देऊ शकतील. याशिवाय, पेन्शन फंड रेग्युलेटरने सांगितले की, सकाळी 9.30 च्या आधी मिळालेले योगदान त्याच दिवशी केलेली गुंतवणूक म्हणून गणले जाईल तर त्या वेळेनंतर मिळालेली रक्कम दुसऱ्या दिवशीच्या गुंतवणुकीसाठी मोजली जाईल. आत्तापर्यंत सदस्य IMPS/NEFT/RTGS वापरून नेटबँकिंग खात्याद्वारे त्यांचे ऐच्छिक योगदान थेट पाठवू शकत होते परंतु आता त्याची व्याप्ती वाढवण्यात आली आहे.
NPS योजना संघटित क्षेत्रातील कर्मचाऱ्यांसाठी चालवली जाते. 2004 पासून लागू करण्यात आलेली ही योजना केंद्र सरकारच्या कर्मचाऱ्यांसाठी (सशस्त्र दल वगळता) अनिवार्य आहे. हे फक्त 1 जानेवारी 2004 पासून सेवेत रुजू झालेल्या कर्मचाऱ्यांना लागू आहे. मे 2009 मध्ये, ते स्वयंसेवी आधारावर खाजगी आणि असंघटित क्षेत्रासाठी विस्तारित करण्यात आले. त्याचवेळी, अटल पेन्शन योजना किंवा APY ही असंघटित क्षेत्रातील कर्मचाऱ्यांसाठी आहे. योजनेच्या सदस्यांना त्यांच्या योगदानानुसार वयाची 60 वर्षे पूर्ण झाल्यानंतर हमीसह मासिक 1,000 ते 5,000 रुपये किमान पेन्शन मिळते. या दोन्ही योजनांशी करोडो लोक जोडले गेले आहेत.
गेल्या काही वर्षांत फिक्स्ड डिपॉझिट आणि पेन्शन योजनांवरील व्याजदर कमी करण्यात आला आहे. सध्या ज्येष्ठ नागरिकांसाठी, त्यांचे नियमित उत्पन्नाचे स्त्रोत म्हणजे त्यांचे पेन्शन. अशा परिस्थितीत सरकार चालवत असलेली वय वंदना योजना ही त्यांच्यासाठी एक आकर्षक पर्याय असल्याचे समोर आले आहे. ज्येष्ठ नागरिक असाल तर योजनेतंर्गत वर्षाला 1,11,000 रुपये मिळवू शकता. मोदी सरकारने या योजनेचा कालावधी आणखी वाढवला आहे. यापूर्वी अंतिम मुदत 31 मार्च 2022होती. मात्र, ही मुदत 2023 पर्यंत वाढवण्यात आली आहे.
सध्या सर्व फिक्स्ड डिपॉझिट आणि निवृत्ती वेतन योजनांच्या तुलनेत पंतप्रधान वय वंदना योजनेत अधिक व्याज मिळत आहे. कोरोनाच्या संकटामुळे या योजनेच्या व्याजदरात कपात करण्यात आली आहे. सध्या या योजनेचा व्याजदर आठ टक्क्यांवरून घसरुन 7.4 टक्क्यांवर आला आहे. तर, वार्षिक निवृत्ती वेतनाची पर्याय निवड केल्यास 7.66 टक्के वार्षिक परतावा मिळेल.
NPS Atal Pension Scheme Big Changes
Payment Investment
