इंडिया दर्पण ऑनलाईन डेस्क
निफाड: महायुतीचे उमेदवार दिलीप काका बनकर यांना प्रचंड मतांनी विजयी करा अन् या तालुक्यात सुरू असलेली विकासाची गंगा अखंड असूद्या असे आवाहन भारतीय जनता पक्षाच्या नेत्या पंकजा मुंडे यांनी केले. त्या बनकर यांच्या प्रचारार्थ आयोजित सभेत बोलत होत्या
गोदाकाठ भागातील सायखेडा येथे मुंडे यांची सभा संपन्न झाली. पुढे बोलताना मुंडे यांनी देश पातळीवर मोदी सरकारने आपल्या तिसऱ्या वेळेस या देशात अनेक क्रांतिकारी निर्णय घेतले. देशासह राज्यात विविध प्रकारचे विकास करत विकासाचे एक सुदृढ धोरण राज्य सरकारने आखत ते सत्यात आणले आहे. राज्यात शिंदे फडणवीस आणि अजित दादांच्या नेतृत्वाखाली सर्वसामान्यांचे प्रश्न असो अथवा मूलभूत सुविधा आताच्या सरकारने त्याचे योग्य नियोजन लावत महाराष्ट्र हे नंबर एक राज्य बनवण्याचे धोरण आखले आहे.
निफाड तालुक्यातील जनतेला त्यांनी दिलीप बनकर यांना निवडून देण्याचे आवाहन करत तिसऱ्यांदा विधी मंडळात पाठवावे असे आवाहन केले..यावेळी दिलीप बनकर यांनी उपस्थित मतदारांना अभिवादन करत मत देण्याचे आवाहन केले. यावेळी गोदाकाठ भागातील महायुतीच्या तिनही पक्षांचे नेते व कार्यकर्ते मोठ्या संखेने उपस्थित होते.
