नवी दिल्ली (इंडिया दर्पण वृत्तसेवा) – दिल्लीहून लंडनला जाणाऱ्या एअर इंडियाच्या विमानात आज एका प्रवाशाने गोंधळ घातला. यानंतर विमान दिल्ली विमानतळावर परत आले. तिथे प्रवाशाला विमानातून उतरवण्यात आले. एअर इंडियाचे फ्लाइट AI111, ज्यामध्ये सुमारे 225 प्रवासी होते, एका उपद्रवी व्यक्तीने गोंधळ घातला. यानंतर क्रूने त्याला विमानतळावर उतरवले आणि विमान पुन्हा लंडनच्या हिथ्रो विमानतळाकडे रवाना झाले.
एअर इंडियानेही या संदर्भात निवेदन जारी केले आहे. त्यात म्हटले आहे की, दिल्ली-लंडन विमान उड्डाणानंतर काही वेळातच परतले. यामध्ये एका प्रवाशाने उपद्रव केला. तोंडी व लेखी इशाऱ्यांकडेही दुर्लक्ष करून उपद्रव सुरूच ठेवला. केबिन क्रू मेंबर्ससोबत त्याची हाणामारी झाली, त्यात दोघे जखमी झाले. विमान नंतर दिल्लीला परत आले आणि लँडिंगनंतर त्या व्यक्तीला सुरक्षा कर्मचाऱ्यांच्या ताब्यात देण्यात आले. त्याच्याविरुद्ध एफआयआरही दाखल करण्यात आला आहे. त्यानतर पुन्हा लंडनकडे रवाना झाले.
New Delhi Air India London Flight Crime
