जळगाव (इंडिया दर्पण वृत्तसेवा) – जळगाव जिल्हा दूध संघाचे राजकारण सध्या तापले आहे. दूध संघाचे सर्व प्रकरण पोलिस ठाण्यात गेले असल्याने आता ते चिघळण्याची शक्यता वाढली आहे. एकनाथ खडसेंच्या पत्नी मंदाकिनी खडसेंसह इतर ११ जणांविरुद्ध प्रशासक मंडळाने पोलिसांमध्ये तक्रार दाखल केली आहे. बरखास्त संचालक मंडळाने दूध संघात अनधिकृतपणे बैठक घेतल्याने प्रशासक मंडळाने आक्षेप घेत ही तक्रार दाखल करण्यात आली असून, खडसे कुटुंबियांच्या अडचणींमध्ये वाढ झाली आहे.
जळगावात एकनाथ खडसे आणि गिरीष महाजन यांचा संघर्ष काही नवा नाही. भाजपात असतानादेखील एकनाथ खडसे आणि गिरीष महाजन यांच्यात काही अलबेल नव्हते. गिरीष महाजन यांना देवेंद्र फडणवीस यांचा पूर्ण पाठिंबा कायमच राहिला आहे. परंतु, काही दिवसांपूर्वी एकनाथ खडसे यांनी भाजपाकडे पाठ फिरवत राष्ट्रवादी काँग्रेसमध्ये दाखल होण्यास प्राधान्य दिले. भाजपासोडून जाताना एकनाथ खडसे यांनी देवेंद्र फडणवीस आणि गिरीष महाजन यांच्यावर अनेक गंभीर आरोप केले. मात्र, अजूनही खडसे आणि महाजन यांच्यातील संघर्ष थांबलेला दिसत नाही.
आता दूध संघाच्या प्रकरणावर एकनाथ खडसे नेमके काय भाष्य करतात याकडे सर्वांचे लक्ष लागले आहे. गिरीश महाजन गटाचे प्रशासक अरविंद देशमुख यांनी पोलिसात लेखी तक्रार दाखल केली आहे. मात्र, यासर्व प्रकरणामुळे मंदाकिनी खडसे यांच्या अडचणीत वाढ होणार असल्याचे स्पष्टपणे दिसून येत आहे. देशमुख यांनी मंदाकिनी खडसेंसह इतर ११ जणांविरुद्ध प्रशासक मंडळाने पोलिसांमध्ये तक्रार दाखल केली आहे. बरखास्त संचालक मंडळाने दूध संघात अनधिकृतपणे बैठक घेतल्याने प्रशासक मंडळाने आक्षेप घेत पोलिस ठाणे गाठले. विशेष म्हणजे तक्रार दाखल करणारे अरविंद देशमुख हे गिरीश महाजन गटाचे समर्थक आहेत. आता यावर परत एकदा जळगाव जिल्हात आरोप-प्रत्यारोपाचे सत्र सुरू होत असल्याचे दिसून येत आहे.
NCP Leader Eknath Khadse wife Mandakini FIR Khadse Family Jalgaon District Milk Sangha Complaint
