नाशिक (इंडिया दर्पण वृत्तसेवा) – नाशिक-त्र्यंबकेश्वर रोडवरील बेळगाव ढगा परिसरात खासगी बसचे टायर फुटल्याने भीषण अपघात झाला आहे. या अपघातात दुचाकीस्वाराचा मृत्यू झाला असून दोन जण जखमी आहेत. त्र्यंबकेश्वरहून देवदर्शन करून ही बस नाशिककडे येत होती. त्याचवेळी बेळगाव ढगा फाट्याजवळील इस्पेलिअर स्कूल जवळ या बसचे टायर अचानक फुटले. त्यानंतर ही बस डिव्हायडरवर आदळून दुसऱ्या लेनमध्ये गेली. त्याचवेळी या रस्त्यावर नाशिकहून त्र्यंबकेश्वरकडे जाणा-या दुचाकीला या बसने जबर धडक दिली. त्यानंतर ही बस झाडावर आदळली.
ही बस प्रवाशांनी भरलेली होती मात्र यातील प्रवाशांनी मोठी इजा झाली नाही. या बसने दिलेल्या धडकेमुळे जखमी झालेल्यांना रुग्णालयात उपचारासाठी दाखल करण्यात आले आहे. या अपघातात दुचाकीस्वार ठार झाला आहे. तर, २ जण जखमी आहेत. गेल्या काही दिवसापासून नाशिक जिल्ह्यात अपघाताची मालिका सुरु आहे. गेल्या काही दिवसात सतत अपघाताच्या घटना घडत असतांना त्र्यंबकेश्वर रोडवर खासगी बसचा अपघात झाला आहे.
Nashik Trimbakeshwar Road Accident Private Bus 1 Death
