बुधवार, जुलै 2, 2025
India Darpan Live
  • Home
  • मुख्य बातमी
  • महत्त्वाच्या बातम्या
  • संमिश्र वार्ता
  • स्थानिक बातम्या
  • राष्ट्रीय
  • राज्य
  • भविष्य दर्पण
  • मनोरंजन
  • क्राईम डायरी
  • इतर
No Result
View All Result
  • Home
  • मुख्य बातमी
  • महत्त्वाच्या बातम्या
  • संमिश्र वार्ता
  • स्थानिक बातम्या
  • राष्ट्रीय
  • राज्य
  • भविष्य दर्पण
  • मनोरंजन
  • क्राईम डायरी
  • इतर
No Result
View All Result
India Darpan Live
No Result
View All Result
  • Home
  • मुख्य बातमी
  • महत्त्वाच्या बातम्या
  • संमिश्र वार्ता
  • स्थानिक बातम्या
  • राष्ट्रीय
  • राज्य
  • भविष्य दर्पण
  • मनोरंजन
  • क्राईम डायरी
  • इतर
ADVERTISEMENT

हरिहर गड किल्ल्याविषयी तुम्हाला हे माहित आहे का… शहाजीराजांशी असा आहे त्याचा संबंध….

by India Darpan
ऑक्टोबर 22, 2023 | 9:42 pm
in इतर
0
P1310596 2 e1697995714771

अनोखा दुर्गाविष्कार – हरिहर

     नाशिकमधून नियमितपणे भटकणार्‍यांना त्र्यंबकेश्वराची डोंगररांग सगळ्यात जवळची. त्र्यंबक भागात ट्रेक करतांना विविध ॠतूत दरवेळी निरनिराळं निसर्गरूप अनुभवायला मिळतं. दिवसाभरात अटोपशीर भटकंती करून परतायचं तर अंजनेरी व ब्रह्मगिरीनंतर येतो तो ‘हरिहर’. फक्त नाशिककरच नव्हे तर संपूर्ण राज्य आणि देशातून गिर्यारोहक मंडळींमध्ये हरिहर हे नाव खूप प्रसिद्ध आहे.
कुलथे e1610123297171
सुदर्शन कुलथे
गिर्यारोहक व दुर्ग अभ्यासक
त्र्यंबक, भास्करगड आणि हरिहर या तिन्ही दुर्गांवर असलेल्या कातळातल्या खोदीव पायर्‍यांवरून त्यांची निर्मिती समकालीन असल्याचा तर्क लावता येतो. हे तिनही किल्ले बनण्यास सुमारे ८०० वर्षांहून अधिक काळ लोटलेला दिसून येतो. त्रिंबक किल्ल्याचा उल्लेख थेट यादवकाळापासून वाचनात येतो. इ.स. १६२६ मध्ये शहाजीराजांनी माहुली किल्ल्याला शरणागती पत्करतांना मुघल सरदार खानजमानला त्रिंबक आणि त्रिंगलवाडीबरोबर हरिहर दुर्ग दिल्याचा उल्लेख आहे. इ.स. १६८८ मध्ये औरंगजेबाचा सरदार मातबरखानाच्या पत्रातही हरिहरचा उल्लेख मिळतो. इ.स. १८१८ मध्ये इतर सर्व किल्ल्यांबरोबरच हरिहरही इंग्रजांच्या अधिपत्याखाली गेला. इतिहासाचे अनेक धागेदोरे हरिहराने आपल्या पोटात राखून ठेवलेले दिसतात.
हरिहरच्या पायथ्याला दोन गावे आहेत. उत्तरेला हर्षवाडी तर दक्षिणेला निरगुडपाडा. पायथ्याच्या या गावांना पोहोचायचं तर नाशिकहून पहिलं त्रिंबकेश्वर गाठायचं. त्रिंबकहून दोन रस्ते हरिहरकडे जातात. त्रिंबक – पेगलवाडी, पहिने, सामुंडी, टाकेहर्ष आणि निरगुडपाडा हा एक रस्ता. तर त्रिंबक – सापगाव – काचुर्ली, लेकुरवाळी आणि हर्षवाडी. पूर्वी हर्षवाडी गावापर्यंत गाडीरस्ता नव्हता तेव्हा सर्व गिर्यारोहक निरगुडपाडा येथून चढाई करत असत. परंतु पलिकडचे हर्षवाडी गाव रस्त्यांनी जोडले गेले. त्रिंबकपासून जरा कमी अंतरावर आणि निरगुडपाड्यापेक्षा कमी चढाई असल्याने आता हर्षवाडी हाच मुख्य पायथा बनलाय.

P1310500 2

अगदी ३०-३२ घरं असलेल्या हर्षवाडीतून वर जाणारी वाट कुणीही दाखवतं. पायवाट चांगली मळलेली आहे. हरिहरच्या पोटातलं जंगल तसं दाट आहे परंतु हळूहळू त्यालाही धक्का बसतोय. रमतगमत चढायचं. समुद्रसपाटीपासून हरिहरची उंची ११२० मीटर इतकी आहे. परंतु पायथ्यापासून एवढा उंच नाही. चढाई सोपी असली तरी थोडा दम लागतोच म्हणून थोडं थांबून आरामही करून घ्यायचा. मधल्या टप्प्यावरील सपाटशा जागेवरून पुन्हा वर जात आपल्याला एका जागेवर शेंदूर लावलेले अनेक दगड दिसतात. हा ‘वेताळ पायथा’ म्हणून ओळखला जातो.
इथे हल्ली स्थानिकांनी तात्पुरत्या झोपड्या उभारून चहा, पाणी, सरबताचे हॉटेल्स थाटली आहेत. या वेताळाजवळ तरूण मंडळी जोरबैठकाही काढतात, कारण अशी तिथे प्रथा आहे. या वेताळाशी आलं की, श्रावणात केल्या जाणाऱ्या मोठ्या प्रदक्षिणेचं बरोबर निम्म अंतर संपतं. पुन्हा थोड्या उंचवट्यातून जात आपण हरिहरच्या एकदम उभ्या कातळाजवळ जाऊन पोहोचतो. गडाच्या नैऋत्येला असलेल्या या कड्याचं नांव आहे ‘स्कॉटीश कडा’.

P1070257 2

डगलस स्कॉट या ब्रिटीश गिर्यारोहकाने १९८५ साली हा कडा सर केला होता. त्यावरून पडलेलं या कड्याचं नांव. या कड्याच्या थोडं उजवीकडे बळसा घेतला की कातळावर सलग वर पर्यंत कोरलेल्या पायर्‍यांचा सरळसोट जिना दिसतो. हा सगळा एकदम अंगावर आलेला मार्ग पाहून आपण रोमांचित होतो. तशा या पायर्‍या चढायला फारशा अवघड नाहीत. हाताला धरण्यासाठी खोबण्याही बनवलेल्या आहेत. झपझप पालीसारखं वर चढायचं. हरिहरला यायचं तर या जिन्यावरून चढण्यातलं थ्रील अनुभवायलाच!
साधारण ९०-९५ पायर्‍या चढल्यानंतर आपल्याला किल्ल्याच्या प्रवेशद्वारात येऊन पोहोचतो. अजूनही चांगल्या अवस्थेत असलेलं हे प्रवेशद्वार बघून कातळातल्या कोरीव मार्गानेच थोडं वर जात गडमाथ्यावर पाऊल ठेवायचं. गडमाथ्यावर मनसोक्त हिंडायचं. काही पाण्याची टाकी आणि तलावही लागतो. पाण्याच्या तलावा शेजारी हनुमान आणि शंकराचं ठिकाणही आहे.
तलावाशेजारून पुढे जात एका उंचवट्यासारखा टेकडीवर हरिहरचा सर्वोच्च शेंडा लांबूनच दिसतो. तिथं पोहोचायचं. ह्या शेंड्यावर झेंडा लावलेला आहे. आपण ज्या गावातून चालत आलो तो मार्ग शोधण्याचा प्रयत्न करत आपण तिथून आलो ! असं आश्‍चर्यभाव आपोआपच येतो. ब्रह्मगिरी, ब्रह्माडोंगर, बसगड, फणीचा डोंगर, उतवड, वैतरणा जलाशयाचं अथांग पाणी असा सगळा नजारा मनात साठवून ठेवायचा. हरिहरच्या माथ्याच्या पाठीमागच्या भागावर एक कोठारासारखी इमारत दिसते.

DSCN2582 2

इमारतीजवळच पाण्याची पाचसहा टाकी दिसतात. सगळा गडमाथा हिंडून पुन्हा प्रवेशद्वाराकडे यायचं आणि त्याच सरळ पायर्‍यांचा जिना उतरून खाली यायचं. मधल्या सपाटीवर काही अंतर गेल्यावर एक गणेशकुंड नावाची पुष्करिणी लागते. दगडी चिऱ्यांनी घडवलेल्या पुष्करिणीचा इतिहास त्यावर लावलेला पेशवेकालीन शिलालेख उलगडतो. इथेच एक छोटा आश्रमही आहे. गणेशकुंडाचा परिसर फारच सुंदर, शांत व वनराईने झाकलेला आहे.
हरिहर किल्ला निट न्याहाळला तर त्याचा आकार त्रिकोणी प्रिझमसारखा भासतो. तिन बाजू आणि तिनही कडा अगदी उभ्या आहेत. एक कडा थोड्या कोनात आहे त्यावरूनच पायर्‍यांचा सोपान कोरण्यात आला आहे. इतकी सुंदर रचना बघून कुणीही अगदी आवाक् होतच. साधारण दोनशे वर्षांपुर्वी इंग्रजांनी हा किल्ला ता़ळ्यात घेतल्यावर जेव्हा कॅप्टन ब्रिग्जने या दुर्गाला भेट दिली त्यावेळेस त्याने याचं वर्णन लिहून ठेवलंय… truely wonderful! words are not be able to give an idea of its dreadful steepness!!!!… त्यामुळेच ‘पुन्हा नक्की येऊ’ म्हणूनच हरिहरचा निरोप घ्यायचा आणि पुन्हा पुन्हा जात राहायचं.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
WhatsApp Channel
Join Now
Telegram Group
Join Now
YouTube Channel
Subscribe

Previous Post

नवरात्रोत्सव विशेष… मुंबईची ग्रामदेवता मुंबादेवी… अशी आहे या देवीची महती…

Next Post

या व्यक्तींनी तब्येतीकडे दुर्लक्ष करू नये, जाणून घ्या सोमवार २३ ऑक्टोंबरचे राशिभविष्य

India Darpan

Next Post
राशीभविष्य प्रातिनिधीक फोटो

या व्यक्तींनी तब्येतीकडे दुर्लक्ष करू नये, जाणून घ्या सोमवार २३ ऑक्टोंबरचे राशिभविष्य

प्रतिक्रिया व्यक्त करा उत्तर रद्द करा.

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत

ताज्या बातम्या

accident 11

अपघाताचे सत्र सुरूच…वेगवेगळया भागात झालेल्या अपघातांमध्ये दोन मोटारसायकलस्वारांचा मृत्यू

जुलै 2, 2025
modi 111

केंद्रीय मंत्रिमंडळाने ईएलआय योजनेला दिली मंजुरी… देशात ३.५ कोटींहून अधिक तरुणांना मिळणार रोजगार

जुलै 2, 2025
Untitled 3

म्हाडाची लॅाटरी जाहीर…नाशिक विभागात फक्त ५ लाखामध्ये घर, जाणून घ्या सर्व माहिती

जुलै 2, 2025
Untitled 1

भाजप प्रदेशाध्यक्षपदी निवड होताच रवींद्र चव्हाण यांनी केली ही घोषणा

जुलै 2, 2025
WhatsAppImage2025 07 01at3.42.34PMF0DQ

केंद्रीय रेल्वे मंत्री अश्विनी वैष्णव यांनी रेलवन ॲपचे केले उद्घाटन…प्रवाशांना मिळणार या सुविधा

जुलै 2, 2025
note press

नाशिक करन्सी नोट प्रेसच्या भरती परीक्षेत डमी उमेदवार, सात जणांविरुध्द गुन्हा दाखल….बनावट कागदपत्रांच्या आधारे मिळवली नोकरी

जुलै 2, 2025
ADVERTISEMENT
  • About Us
  • Contact us
  • Privacy Policy

© India Darpan Live. 112, Kharbanda Park, Near Dwarka, Dwarka, Nashik, Maharashtra 422011

No Result
View All Result
  • Home
  • मुख्य बातमी
  • महत्त्वाच्या बातम्या
  • संमिश्र वार्ता
  • स्थानिक बातम्या
  • राष्ट्रीय
  • राज्य
  • भविष्य दर्पण
  • मनोरंजन
  • क्राईम डायरी
  • इतर

© India Darpan Live. 112, Kharbanda Park, Near Dwarka, Dwarka, Nashik, Maharashtra 422011