कडाक्याच्या थंडीचा पोलिस भरतीतील शारीरीक परीक्षांवर परिणाम

नाशिक (इंडिया दर्पण वृत्तसेवा) – नाशिक ग्रामीण पोलीस दलाच्या चालक आणि शिपाई पदासाठी भरती प्रक्रियेस प्रारंभ झाला आहे. आडगाव येथील मुख्यालयात कागदपत्रांच्या पडताळणी नंतर राज्यभरातून आलेल्या हजारो तरूणांची दिवसभर १६०० मीटर धावणे आणि गोळाफेकच्या माध्यमातून शारिरीक क्षमता जोखण्यात आली. सकाळी तसेच ऊन उतरल्यावर धावण्याची चाचणी घेण्यात येईल, असे सांगण्यात आले होते. मात्र दुपारीही उमेदवारांना धावावे लागले. थंड हवामानामुळे उन्हाचा त्रास उमेदवारांना झाला नसला तरी ताकद कमी पडल्याने ज्या ठराविक वेळेत अंतर पार करणे अपेक्षित होते, त्याला वेळ लागल्याची तक्रार काहींनी केली. ही चाचणी प्रक्रिया पुढील काही दिवस सुरू राहणार आहे.

नाशिक ग्रामिण पोलीस दलात भरती होण्याचे स्वप्न बाळगत नाशिकसह जिल्ह्याच्या ग्रामीण भागातून तसेच राज्याच्या कानाकोपºयातून तरूण शहरात दाखल झाले आहेत. सोमवारी सकाळी सहापासूनच भरतीसाठी चाचणी प्रक्रिया सुरू होणार असल्याने औरंगाबाद, नांदगाव सह अन्य भागातून येणाऱ्या उमेदवारांनी रविवारी सायंकाळीच नाशिक ग्रामीण पोलिसांचे मुख्यालय गाठले. काहींनी मुख्यालयाजवळ असलेल्या मैदानावर थंडीत कुडकुडत मुक्काम ठोकला. काही बस स्थानकावर झोपून राहिले. चाचणी सुरू होण्यापूर्वी उमेदवारांनी सादर केलेल्या कागदपत्रांची छाननी करण्यात आली. या ठिकाणी पोलीस विभागाकडून केवळ पाण्याची व्यवस्था करण्यात आली होती. सायंकाळी उशीरापर्यंत उमेदवारांची चाचणी सुरू होती. उमेदवारांनी सादर केलेले काही अर्ज कागदपत्रातील त्रुटींअभावी बाद झाले.

सोमवारी सकाळी १६०० मीटर धावणे, गोळाफेक यात उमेदवारांची शारीरिक क्षमता जोखण्यात आली. सकाळी तसेच ऊन उतरल्यावर धावण्याची चाचणी घेण्यात येईल, असे सांगण्यात आले होते. मात्र दुपारीही उमेदवारांना धावावे लागले. थंड हवामानामुळे उन्हाचा त्रास उमेदवारांना झाला नसला तरी ताकद कमी पडल्याने ज्या ठराविक वेळेत अंतर पार करणे अपेक्षित होते, त्याला वेळ लागल्याची तक्रार काहींनी केली.

उमेदवारांना आवाहन
चाचणी प्रक्रिया पुढील काही दिवस सुरू राहणार असून ज्या उमेदवारांनी नाशिक ग्रामीण येथे भरती प्रक्रियेसाठी आॅनलाईन अर्ज भरलेले आहेत. त्यांना महाआयटीकडून प्रवेशपत्र पाठविण्यात आलेले आहेत. संबंधित उमेदवारांनी ओळखपत्राच्या दोन प्रती, अर्जाच्या दोन छायांकित प्रती, सर्व मूळ कागदपत्रे आणि त्यांच्या छायांकित प्रतींचा संच तसेच पासपोर्ट आकाराच्या सहा छायाचित्रांसह त्यांना बोलावलेल्या दिवशी सकाळी सहा वाजता आडगाव पोलीस मुख्यालयात उपस्थित रहावे, असे आवाहन करण्यात आले आहे.

Nashik Rural Police Recruitment Winter Cold Effect