नाशिक (इंडिया दर्पण वृत्तसेवा)- सहाव्या मजल्यावरून तोल जाऊन पडल्याने १९ वर्षीय मुलाचा मृत्यू झाला. ही घटना हिरावाडीरोड भागात घडली. याप्रकरणी पंचवटी पोलीस ठाण्यात मृत्यूची नोंद करण्यात आली आहे.
सुपांश विजय रावत (रा.राधेकृष्ण हाईटस नंदिनी अगरबत्ती समोर) असे मृत युवकाचे नाव आहे. रावत शुक्रवारी (दि.११) सायंकाळच्या सुमारास आपल्या राहत्या इमारतीच्या गच्चीवर असतांना ही घटना घडली. अचानक तोल गेल्याने तो सहाव्या मजल्यावरून जमिनीवर कोसळला होता.
या घटनेत गंभीर दुखापत झाल्याने निखील आवळे याने त्यास बेशुध्द अवस्थेत जिल्हा रूग्णालयात दाखल केले असता वैद्यकीय सुत्रांनी तपासून मृत घोषीत केले. अधिक तपास हवालदार बाविस्कर करीत आहेत.
