नाशिक (इंडिया दर्पण वृत्तसेवा)- लग्नाचे आमिष दाखवून एकाने तरूणीवर वेळोवेळी बलात्कार केल्याचा प्रकार समोर आला आहे. दीड वर्षांच्या प्रेमप्रकरणात पीडित युवतीने लग्नासाठी तगादा लावला असता संशयिताने शिवीगाळ करीत मारहाण केल्याने हा प्रकार पोलीसात पोहचला असून याप्रकरणी अंबड पोलीस ठाण्यात बलात्काराचा गुन्हा दाखल करण्यात आला आहे.
साकिब तोहिद शेख (रा.गोसावीवाडी नाशिकरोड) असे गुन्हा दाखल करण्यात आलेल्या संशयिताचे नाव आहे. याबाबत सिडकोतील हेडगेवार नगर भागात राहणा-या पीडितेने फिर्याद दिली आहे. पीडिता व संशयितामध्ये २०२३ मध्ये ओळख झाली होती. या ओळखीचे रूपांतर प्रेमात झाल्याने ही घटना घडली.
वेळोवेळी पीडितेचे घर गाठून संशयिताने लग्नाचे आमिष दाखवित तिच्यावर बलात्कार केला. दीड वर्ष उलटूनही संशयिताकडून विवाहाबाबत बोलणी होत नसल्याने पीडितेने त्याच्याकडे तगादा लावला असता त्याने शिवीगाळ व दमदाटी करीत मारहाण केल्याने हा प्रकार पोलीसात पोहचला असून अधिक तपास उपनिरीक्षक सविता उंडे करीत आहेत.
