नाशिक (इंडिया दर्पण वृत्तसेवा)- मौनी अमावस्या निमित्त गोदाघाटावर स्नानासाठी आलेल्या धुळे येथील भाविकाचे बॅग चोरट्यांनी चोरून नेली. या बॅगेत अ‍ॅपलच्या मोबाईलसह रोकड चष्मा आणि कारची चावी होती. याप्रकरणी पंचवटी पोलीस ठाण्यात गुन्हा दाखल करण्यात आला आहे.
दिवाकर शांताराम मोरे (५९ रा.देवपूर धुळे) यांनी फिर्याद दिली आहे. मोरे बुधवारी (दि.२९) आपल्या मित्रांसमवेत देवदर्शनासाठी शहरात आले होते. मौनी अमावस्या निमित्त सर्व मित्र गोदाघाटावर स्नान करीत असतांना ही घटना घडली. दुतोंड्या मारूती भागात नदीच्या काठावर ठेवलेली त्यांची बॅग चोरट्यांनी चोरून नेली. या बॅगेत अ‍ॅपलच्या मोबाईलसह रोकड चष्मा आणि कारची चावी असा सुमारे ४० हजाराचा ऐवज होती. अधिक तपास हवालदार माळवाळ करीत आहेत.
बांधकाम साईटवरून सेंट्रीग प्लेटांची चोरी
नाशिक (इंडिया दर्पण वृत्तसेवा)- बांधकाम साईटवरून चोरट्यांनी सेंट्रीग प्लेटा चोरून नेल्याचा प्रकार समोर आला आहे. हा प्रकार म्हसरूळ पोलीस ठाणे हद्दीत घडला असून यात सुमारे १३ हजार रूपये किमतीच्या प्लेटा चोरट्यांनी चोरून नेल्या. याप्रकरणी पोलीस दप्तरी चोरीचा गुन्हा दाखल करण्यात आला आहे.
अब्दूल अजाज रमजान खान (रा.देवळाली गाव) यांनी फिर्याद दिली आहे. खान सेट्रींगचे काम करतात. आशापुरी सोसायटी भागातील अशोक काळे यांच्या घराचे बांधकाम साईटवर त्यांचे काम सुरू असून बुधवारी (दि.२९) रात्री या ठिकाणी ठेवलेल्या २६ सेंट्रींग प्लेटा चोरट्यांनी चोरून नेल्या. अधिक तपास हवालदार चव्हाण करीत आहेत.
