नाशिक (इंडिया दर्पण वृत्तसेवा)- राज्यातील विविध ठिकाणी ४० हून अधिक घरफोड्या करणारा दरोडखोर आपल्या साथीदारासह पोलिसांच्या जाळ्यात अडकला आाहे. घरफोडीच्या गुन्ह्यातू जामिनावर सुटताच त्याने धुमाकूळ घातला होता. गंगापूर पोलीसांनी कल्याण शहरात संशयिताच्या मुसक्या आवळल्या. शहरातील ध्रुवनगर भागात राहणा-या बांधकाम व्यावसायीकाच्या घरासह म्हसरूळ आणि आडगाव पोलीस ठाणे हद्दीत घरफोडी केल्याची कबुली दिली आहे. संशयिताच्या ताब्यातून चोरीच्या सोन्यासह रोकड आणि गुह्यात वापरलेली कार असा सुमारे ४ लाख ३९ हजार ८६० रूपये किमतीचा मुद्देमाल हस्तगत करण्यात आला आहे.
या चोरांविरुध्द पुणे, वाई, बारामती, सांगली, वाई, नाशिक अशापुणे, वाई, बारामती, सांगली, वाई, नाशिक अशा जिल्ह्यांत या अट्टल घरफोड्याविरूद्ध गुन्हे दाखल आहेत. सर्वाधिक घरफोड्या त्याने पुणे जिल्ह्यात केल्या आहेत. त्याला यापुवीही विविध शहरांच्या पोलिसांनी अटक केली होती. जामिनावर बाहेर सुटल्यानंतर तो पुन्हा घरफोड्या करत असल्याचे पोलिसांनी सांगितले.
अमित उर्फ मयुर सोपान भुंडे – पाटील (३७) व कुमार भास्कर चौधरी (३५ रा. दोघे टिटवाळा,कल्याण) अशी अटक करण्यात आलेल्या संशयितांची नावे असून त्यातील पाटील हा घरफोडी करण्यात माहिर आहे. संशयिताविरोधात राज्यभरात घरफोडीचे गुन्हे दाखल असून जामिनावर सुटताच तो घरफोडी करीत असल्याचे पोलीस सुत्रानी सांगितले.
गंगापुर पोलिस ठाणे हद्दीत शुक्रवारी (दि.२५) भरदिवसा ध्रूवनगर भागात एका बांधकाम व्यावसायिकाचे बंद फ्लॅट फोडून चोरट्यांनी सुमारे तीन लाख रूपयांचा ऐवज गायब केला होता. याप्रकरणी गंगापुर पोलिस ठाण्यात गुन्हा दाखल करण्यात आला होता. वरिष्ठ पोलिस निरिक्षक संतोष जुमडे यांनी या गुन्ह्याचा तपासाचे आदेश गुन्हे शोध पथकाला दिले. पोलीस उपनिरिक्षक मोतिलाल पाटील यांच्या पथकाने वेगाने तपासचक्रे फिरविली. घटनास्थळाहून मिळालेल्या सीसीटीव्ही फुटेजच्याअधारे व तांत्रिक विश्लेषण आणि एका संशयास्पद मोटारीच्या वाहनक्रमांकावरून पथकाने माग काढला. संशयित आरोपी हा कल्याण शहरात असल्याची खात्री पटताच पथक रवाना झाले. तेथे गॅरेजेस असलेल्या एका भागातून अट्टल घरफोड्या करणा-या अमित पाटील व त्याला गुन्ह्यात साथ देणारा वाहन चालक संशयित कुमार चौधरी या दोघांना बेड्या ठोकल्या.
पोलीस तपासात संशयितांनी ध्रूवनगरच्या घरफोडीतील मुद्देमाल पोलिसांना काढून दिला. तसेच आडगाव, म्हसरूळ या दोन पोलिस ठाण्यांच्या हद्दीत प्रत्येकी दोन घरफोड्या केल्याची कबुली दिली. कोर्टाने संशयितांना न्यायालयीन कोठडी सुनावली असून अधिक तपास सहायक निरिक्षक हर्षल आहिरराव करीत आहेत.
