नाशिक (इंडिया दर्पण वृत्तसेवा)- लग्नाचे आमिष दाखवून एकाने २६ वर्षीय विवाहीतेवर बलात्कार केल्याचा प्रकार समोर आला आहे. प्रेमप्रकरणातून हा प्रकार घडला असून याप्रकरणी भद्रकाली पोलीस ठाण्यात पोलीस रेकॉर्ड वरील गुन्हेगार असलेल्या संशयिताविरोधात बलात्काराचा गुन्हा दाखल करण्यात आला आहे.
कैप शेख उर्फ लाल्या (रा.भारतनगर) असे गुन्हा दाखल करण्यात आलेल्या संशयिताचे नाव आहे. कैप शेख पोलीस रेकॉर्ड वरील गुन्हेगार असून त्याचे पीडितेशी प्रेमसंबध होते. विवाहीत असलेल्या पीडितेस सोमवारी (दि.७) गाठून संशयिताने तिला लग्नाचे आमिष दाखवून हे कृत्य केले.
बी.डी.भालेकर मैदाणा पाठीमागे घेवून जात संशयिताने बळजबरीने बलात्कार केला. संशयिताने दमदाटी करीत सलग चार दिवस बळजबरीने अत्याचार केल्याने पीडितेने पोलीसात धाव घेतली असून अधिक तपास सहाय्यक निरीक्षक चंद्रकांत सपकाळे करीत आहेत.
