नाशिक (इंडिया दर्पण वृत्तसेवा)- शहरात वाहनचोरीची मालिका सुरू असून वेगवेगळया ठिकाणी पार्क केलेल्या दोन मोटारसायकली चोरट्यांनी पळवून नेल्या. याबाबत सरकारवाडा व उपनगर पोलीस ठाण्यात गुन्हे दाखल करण्यात आले असून चोरट्यांचा बंदोबस्त करावा अशी मागणी जोर धरू लागली आहे.
करंबेळ ता, कळवण येथील नितीन लक्ष्मण चौरे गेल्या १५ ऑगष्ट रोजी जिल्हा रूग्णालयात आले होते.
पार्किंगमध्ये लावलेली त्यांची प्लॅटीना एमएच ४१ एल ७०८५ चोरट्यांनी चोरून नेली. याबाबत सरकारवाडा पोलीस ठाण्यात गुह्याची नोंद करण्यात आली असून अधिक तपास हवालदार लोंढे करीत आहेत. दुसरी घटना नाशिक पुणे मार्गावरील डीजीपीनगर भागात घडली. नंदकिशोर भिमसेन लोंगाणी (रा.राज टावर,सोनवणे मळा इंदिरानगर) यांनी याबाबत फिर्याद दिली आहे. लोंगाणी गुरूवारी (दि.२९) डीजीपीनगर भागात गेले होते.
शांताईनगर सोसायटीच्या पार्किंगमध्ये लावलेली त्यांची अ‍ॅक्टीव्हा एमएच १७ सीए १५५८ चोरट्यांनी पळवून नेली. याप्रकरणी उफनगर पोलीस ठाण्यात गुह्याची नोंद करण्यात आली असून अधिक तपास पोलीस नाईक हिवाळे करीत आहेत.
