नाशिक (इंडिया दर्पण वृत्तसेवा)- लग्नाचे आमिष दाखवून एकाने तरूणीवर बलात्कार केल्याचा प्रकार समोर आला आहे. प्रेमप्रकरणातून झालेल्या प्रसुतीनंतर बाळ आणि बाळांतिनीस सांभाळण्यास नकार दिल्याने हा प्रकार पोलीसात पोहचला असून पोलीसांनी संशयितास अटक केली आहे. याप्रकरणी सातपूर पोलीस ठाण्यात गुन्हा दाखल करण्यात आला आहे.
सातपूर परिसरात राहणा-या २४ वर्षीय पीडित युवतीच्या फिर्यादीवरून याप्रकरणी पोलीस दप्तरी गुन्हा दाखल करण्यात आला आहे. पीडिता व अटक केलेल्या संशयिताचे गेल्या तीन वर्षापासून प्रेमसंबध आहेत. लग्नाचे आमिष दाखविल्याने दोघांमध्ये शारिरीक संबध आले. यातून युवती गर्भवती राहिली होती.
काही दिवसांपूर्वीच तिने गोंडस बाळाला जन्म दिली असून बाळ आणि बाळंतीन यांना सांभाळण्यास संशयिताने नकार दिल्याने हा प्रकार पोलीसात पोहचला आहे. पोलीसांनी तात्काळ संशयितास अटक केली असून अधिक तपास उपनिरीक्षक राकेश न्याहळदे करीत आहेत.
