नाशिक (इंडिया दर्पण वृत्तसेवा)- नाशिकरोड परिसरातील वेगवेगळया भागात झालेल्या दोन घरफोड्यामध्ये चोरट्यांनी सुमारे चार लाखाचा ऐवज लंपास केला. त्यात रोकडसह सोन्याचांदीच्या दागिण्यांचा समावेश आहे. याप्रकरणी उपनगर व नाशिकरोड पोलीस ठाण्यात गुन्हे दाखल करण्यात आले आहेत.
पोलीसांनी दिलेल्या माहितीनुसार तुकाराम खंडू थोरात (रा.गणपती मंदिरासमोर,शिवाजी उद्यान पळसे) यांनी फिर्याद दिली आहे. थोरात कुटूबिय शनिवारी (दि.२४) बाहेरगावी गेले असता ही घटना घडली. अद्यात चोरट्यांनी त्यांच्या बंद घराच्या खालील रूमच्या दरवाजाचे कुलूप तोडून ही चोरी केली. घरात शिरलेल्या चोरट्यांनी लोखंडी कपाटात लेदरच्या बॅगमध्ये ठेवलेली रोकड व सोन्याचांदीचे दागिणे असा सुमारे ३७ हजाराचा ऐवज चोरून नेला. याप्रकरणी नाशिकरोड पोलीस ठाण्यात गुन्हा दाखल करण्यात आला असून अधिक तपास सहाय्यक निरीक्षक सुर्यवंशी करीत आहेत.
दुसरी घटना जयभवानीरोडवर घडली. शांताराम चिरेमालील वर्गीस (रा.ताबोर बंगला त्रिंबकनगरकदम डेअरी जवळ) यांनी फिर्याद दिली आहे. वर्गीस कुटूंबिय गेल्या गुरूवारी (दि.२२) बाहेरगावी गेले असता ही घरफोडी झाली. अज्ञात चोरट्यानी बंद बंगल्याच्या बेडरूमच्या खिडकीचे गज कापून लाकडी कपाटात ठेवलेले सुमारे ३ लाख ६६ हजार रूपये किमतीचे सोन्याचांदीचे अलंकार चोरून नेले. याप्रकरणी उपनगर पोलीस ठाण्यात गुन्हा दाखल करण्यात आला असून अधिक तपास सहाय्यक निरीक्षक वायकर करीत आहेत.
