नाशिककरांनो सावधान! शहरात पुन्हा टोईंगधाड; दुचाकीच राहणार लक्ष्य

नाशिक – नाशिककरांची कसोटी पाहणारे टोईंग पुन्हा सुरू झाले आहे. त्यामुळे आता नाशिककरांना शहरात केवळ पार्किंगच्या ठिकाणांवरच वाहने पार्क करावी लागतील. खासकरुन एमजी रोड परिसरात नाशिककरांना विशेष काळजी घ्यावी लागणार आहे. नाशिक पोलिसांकडून टोईंगचे कंत्राट देण्यात आले असून त्याची अंमलबजावणी सुरू झाली आहे. तशी माहिती शहर वाहतूक विभागाने दिली आहे. यामुळे शहरातील बेशिस्त वाहन पार्किंगला आळा घालण्याचा उद्देश असल्याचे पोलिसांनी म्हटले आहे.

दुचाकीच राहणार लक्ष्य

नाशिक शहर वाहतूक पोलिसांचा टोईंग कंत्राटदाराबरोबर जो करार आहे. त्यात टोईंगचे जे दर ठरले आहेत त्यानुसार, कंत्राटदार केवळ टू व्हिलर आणि फोर व्हिलरचेच टोईंग करेल. किंबहुना कंत्राटदाराला टू व्हिलरच्या टोईंगमध्येच ‘परवडणार’ आहे. कारण, एकाच वाहनात तो एकावेळी ३ ते ४ टू व्हिलरचे टोईंग करु शकणार आहे. त्यामुळे टोईंग सुरू झाले तरी त्याचे खरे लक्ष्य हे टू व्हिलरच असणार आहे. टू व्हिलरचे टोईंग केले तर कंत्राटदाराला ९० रुपये मिळतील आणि सरकारला २०० रुपये. म्हणजेच, टू व्हिलर धारकाला टोईंगपोटी २९० रुपये मोजावे लागणार आहेत. कंत्राटदाराने एकाचवेळी ३ टू व्हिलरचे टोईंग केले तर त्याला २७० रुपये मिळतील.

तर, फोर व्हिलर धारकांना कंत्राटदाराचे ३५० आणि सरकारचे २०० असे ५५० रुपये अदा करावे लागणार आहेत. विशेष म्हणजे, थ्री व्हिलरला मात्र बिनबोभाट कुठेही, केव्हाही आणि कसेही पार्किंग करण्याची मुभा मिळणार आहे. कारण, थ्री व्हिलरचे टोईंग केले तर कंत्राटदाराला अवघा १ रुपया मिळणार आहे तर सरकारला २०० रुपये. ज्या अर्थी कंत्राटदाराला १ रुपया मिळणार आहे, तेव्हा कंत्राटदार थ्री व्हिलर ऐवजी टू व्हिलर आणि फोर व्हिलरच्याच टोईंगला पसंती देणार आहे. त्यामुळे वेळ न दवडता थ्री व्हिलरचा विचार करा आणि नाशिक शहरात पार्किंगच्या टेन्शपासून मुक्त व्हा.

अशी असले कारवाईची पद्धत

असे असतील टोईंगचे दर