नाशिक (इंडिया दर्पण वृत्तसेवा) – चोरीची दुचाकी विक्रीसाठी आलेल्या दोन जणांना पोलिसांनी गजाआड केले आहे. त्यांच्याकडून हिरो कंपनीच्या मॅस्ट्रो मोपेड गाडी जप्त करण्यात आल्या आहे. दिपक अर्जुन पैठणे, रा. लहवित, नाशिक, धनंजय विजय पाटील रा. टिटाणे गांव, जि. धुळे या संशयितांच नावे आहे. या दोघांकडून गुन्ह्याबाबात सखोल चौकशी केली असता त्यांनी मोपेड गाडी निमाणी बस स्टॅड येथून चार दिवसांपूर्वी चोरी केल्याचे सांगितले. पंचवटी पोलिस ठाण्यात याबाबत भादंविक ३७९ प्रमाणे गुन्हा दाखल आहे. तसेच सातपुर पोलीस ठाणे हद्यीतुनही १ पॅशन प्लस मोटार सायकल चोरी केल्याचे सांगितले.
या दुचाकी विक्रीबाबत गुन्हेशाखा युनिट क्र २ चे गुलाब सोनार यांना गोपनीय माहिती मिळाली. त्यात दोन संशयीत इसम चोरीची मोपेड गाडी विक्री करण्यासाठी वडनेर दुमाला गावाजवळ, येणार असल्याचे कळाले. त्यानंतर पोलीस निरीक्षक आनंदा वाघ यांच्या मार्गदर्शनाखाली पोलीस उप निरीक्षक पोपट कारवाळ, सहायक पोलिस उप निरी्षक बॅडकोळी, गुलाब सोनार, राजेंद्र घुमरे, विवेकानंद पाठक, चंद्रकात गवळी, संदिप रामराजे, अनिल लोंढे, सुनिल आहेर, विजय वरेंदळ, परमेश्वर दराडे, मधुकर साबळे, अतुल पाटील, विजय बनकर आदींनी सापळा रचून दोन संशयितांना हिरो कंपनीच्या मॅस्ट्रो मोपेड गाडी सह ताब्यात घेतले.
