नाशिक (इंडिया दर्पण वृत्तसेवा) – महामार्गावरील आडगाव शिवारात भरधाव दुचाकीने धडक दिल्याने २४ वर्षीय पादचारी तरूण झाल्याची घटना घडली आहे. एम.डी.रहीम उर्फ एम.डी.कयासउद्दीन (रा.मंडी,निलगीरीबाग) असे अपघातात ठार झालेल्या युवकाचे नाव आहे. याप्रकरणी कयासउद्दीन रविवारी आडगाव ब्रीज कडून महामार्गाने परिसरातील पेट्रोल पंपाच्या दिशेने पायी जात असतांना हा अपघात झाला. चहाच्या दुकानाकडे तो पायी जात असतांना पाठीमागून भरधाव वेगात आलेल्या मोटारसायकलने त्यास जबर धडक दिली. या घटनेत कयासउद्दीन गंभीर जखमी झाल्याने मित्र सोनू सिंग याने त्यास तात्काळ आडगाव मेडिकल कॉलेज येथे दाखल केले असता उपचार सुरू असतांना डॉ.प्राजक्ता दाते यांनी त्यास मृत घोषीत केले. याप्रकरणी डॉ.संजय मानेकर यांनी खबर दिल्याने आडगाव पोलिस ठाण्यात मृत्यूची नोंद करण्यात आली असून अधिक तपास उपनिरीक्षक पाटील करीत आहेत.
