नाशिक (इंडिया दर्पण वृत्तसेवा) – तपोवन रोड येथील सर्व्हिस रोडवरील गॅरेज मध्ये समजाकंटकांनी सात वाहनाच्या काचा फोडल्याचा प्रकार समोर आला आहे. शनिवारी रात्री १ दरम्यान या काचा फोडण्यात आल्याचे सांगण्यात आले आहे. या घटनेमुळे सर्वच गॅरेज धारकांमध्ये संताप असून त्यांनी आडगाव पोलीस स्टेशन येथे धाव घेतली. ही घटना सीसीटीव्हीत कैद झाली असून पोलिस आरोपींचा शोध घेत आहे. काचा फोडल्यानंतर वॉचमनला सुध्दा मारहाण करण्यात आली. यामध्ये टेम्पो ट्रॅव्हलर ट्रक व इतर पाच लहान चार चाकी गाड्या आहेत.
