नाशिक (इंडिया दर्पण वृत्तसेवा) – महामार्गावरील दत्तमंदिर जवळ भरधाव कारने दिलेल्या धडकेत ३८ वर्षीय युवक ठार झाल्याची घटना घडली. सुनिल हिरामण पुराणे (रा.दत्त मंदिरा समोर,आडगाव शिवार) असे मृत तरूणाचे नाव आहे. याप्रकरणी आडगाव पोलिस ठाण्यात पसार झालेल्या कारचालकाविरूध्द गुन्हा दाखल करण्यात आला आहे. पुराणे हा युवक शनिवारी आपल्या घरासमोर महामार्ग ओलांडत असतांना हा अपघात झाला. ओझरकडून नाशिकच्या दिशेने भरधाव येणा-या एमएच १५ डीएम ९६६७ या कारने त्यास जबर धडक दिली होती. या अपघातात सुनिल पुराणे हा गंभीर जखमी झाला होता. त्यात त्याचा मृत्यू झाला. याप्रकरणी भाऊ अनिल पुराणे यांनी दिलेल्या तक्रारीवरून गुह्याची नोंद करण्यात आली असून पोलिस पसार झालेल्या चालकाचा शोध घेत आहेत. अधिक तपास जमादार पाटील करीत आहेत.
भरधाव कारने दिलेल्या धडकेत ३८ वर्षीय युवक ठार
