नशिक (इंडिया दर्पण वृत्तसेवा) – मोरवाडी गाव परिसरातील घराच्या समोर पार्क केलेली चार चाकी वाहनाच्या काचा फोडल्याची घटना घडली आहे. या घटनेची तक्रार कार मालक गजानन लोहार यांनी केली आहे. दहशत माजविण्याचा प्रकार असल्याचे हे बोलले जात आहे. रविवारी रात्रीच्या सुमारास अज्ञात व्यक्तीने चार चाकी वाहनाच्या मागच्या बाजूच्या काचा दगडाने फोडल्या. या घटनेत वाहनाचे मोठे नुकसान झाले आहे. या घटनेची तक्रार देण्यासाठी गेल्यानंतर लोहार यांची तक्रार घेण्यास अगोदर टाळाटाळ केली व घटना गांभीर्याने घेतली नाही. पण, नंतर अदखलपात्र गुन्हा दाखल केला.
