नाशिक (इंडिया दर्पण वृत्तसेवा) – पाथर्डी फाटा भागात खरेदी व्यवहाराच्या कारणातून घर व दुकानाच्या ताबा घेण्याच्या इराद्याने टोळक्याने घरात शिरून एका महिलेचा विनयभंग केल्याची घटना घडली. याप्रकरणी इंदिरानगर पोलिस ठाण्यात विनयभंगासह विविध कलमान्वये गुन्हा दाखल करण्यात आला आहे.
धनराज बंब आणि त्याचे ३ ते ४ साथीदार अशी संशयितांची नावे आहेत. पाथर्डी फाटा परिसरातील स्ट्रॉबेरी हॉटेल भागातील तक्रारदाराने याप्रकरणी फिर्याद दिली आहे. संशयित टोळक्याने शनिवारी (दि.१) सायंकाळच्या सुमारास खरेदी व्यवहाराच्या कारणातून तक्रारदार राहत असलेल्या घराचा व लगतच्या दुकानाचा ताबा घेण्यासाठी बेकायदेशीररित्या रो हाऊसच्या गेटचे व दुकानाच्या शटरचे कुलूप तोडले.
यावेळी तक्रारदारांच्या बहिणीने विरोध केला असता संशयित टोळक्याने त्यांना शिवीगाळ व दमदाटी करीत त्यांचा विनयभंग केला. अधिक तपास जमादार चव्हाणके करीत आहेत.
https://twitter.com/IndiaDarpanLive/status/1640953932187942915?s=20
https://twitter.com/IndiaDarpanLive/status/1642478541295206406?s=20
https://twitter.com/IndiaDarpanLive/status/1642457219215286273?s=20
