सायकलस्वार महिलेशी अश्लिल वर्तन
नाशिक (इंडिया दर्पण वृत्तसेवा) – अमृतधाम लिंकरोडवरील तलाठी कॉलनी सर्कल भागात पत्ता विचारण्याचा बहाणा करून दुचाकीस्वाराने सायकलस्वार महिलेशी अश्लिल वर्तन केल्याची घटना घडली. याप्रकरणी पंचवटी पोलिस ठाण्यात गुन्हा दाखल करण्यात आली असून पोलिस संशयिताचा शोध घेत आहे.
बोरगड भागातील २० वर्षीय पीडितेने याप्रकरणी तक्रार दाखल केली आहे. शुक्रवारी (दि.१७) सायंकाळच्या सुमारास पीडिता तलाठी कॉलनी भागातून आपल्या सायकलीवर घरी परतत असतांना ही घटना घडली. तारवालानगर अमृतधामलिंकरोडने प्रवास करणा-या दुचाकीस्वाराने तिला सर्कल भागात गाठून संभाजी नगर कुठे आहे. असे विचारणा करून अश्लिल हावभाव केला. अधिक तपास सहाय्यक निरीक्षक खैरणार करीत आहेत.
शेजा-याकडून मायलेकास मारहाण
नाशिक (इंडिया दर्पण वृत्तसेवा) – आनंदनगर भागात मुलासोबतचा वाद मिटवून टाका असे सांगितल्याचा राग आल्याने संतप्त शेजा-याने मायलेकांना बेदम मारहाण केल्याची घटना घडली. या घटनेत ५८ वर्षीय महिला जखमी झाली असून तिच्यावर उपचार सुरू आहेत. याप्रकरणी उपनगर पोलिस ठाण्यात गुन्हा दाखल करण्यात आला आहे.
बबलू जगताप (३०) असे मायलेकांस मारहाण करणा-या संशयिताचे नाव आहे. याप्रकरणी पुजा हरिष भाटीया (रा.अमरज्योत अपा.आनंदनगर) यांनी तक्रार दाखल केली आहे. भाटीया गेल्या मंगळवारी (दि.१४) नाशिकरोड येथील सहाय्यक आयुक्तांच्या कोर्टात गेल्या होत्या. तारीख आटोपून सायंकाळच्या सुमारास त्या मुलगा प्रकाश याच्या समवेत घरी परतल्या असता ही घटना घडली.
सोसायटीच्या पार्किंगमध्ये भेटलेल्या संशयित शेजा-यास त्यांनी मुलासमवेतचा वाद मिटवून टाकण्याची विनंती केली असता त्याने शिवीगाळ करीत मायलेकास बेदम मारहाण केली. या घटनेत महिलेस जमिनीवर पाडून छातीत व पोटात बुक्या मारण्यात आल्याने ती गंभीर जखमी झाली असून तिला बिटको रूग्णालयातून अधिक उपचारार्थ एसएमबीटी महाविद्यालयात हलविण्यात आले आहे. अधिक तपास जमादार माळोदे करीत आहेत.
