सिडकोत ६३ हजाराची घरफोडी;
चोरट्यांनी सोन्याचांदिचे दागिनेसह साड्याही चोरुन नेल्या
नाशिक (इंडिया दर्पण वृत्तसेवा) – घरफोडीत चोरट्यांनी सुमारे ६३ हजाराच्या ऐवज चोरुन नेला. सिडको परिसरातील एकता चौक भागात झालेल्या या घरफोडीत २५ हजाराच्या रोकडसह सोन्याचांदीचे दागिणे व विक्रीसाठी ठेवलेल्या साड्यांही चोरट्यांनी लंपास केल्या.
याप्रकरणी संतोष मनोहर पगारे यांनी तक्रार दाखल केली असून अंबड पोलिस ठाण्यात घरफोडीचा गुन्हा दाखल करण्यात आला आहे. पगारे कुटुंबिय १० ते १७ मार्च दरम्यान बाहेरगावी गेले असता ही घटना घडली. अज्ञात चोरट्यांनी त्यांच्या बंद घराचा कडीकोयंडा तोडून बेडरूममधील कपाटात ठेवलली २५ हजाराची रोकड, किरकोळ विक्रीसाठी आणलेल्या सुमारे २० हजार रूपये किमतीच्या साड्या आणि सोन्याचांदीचे दागिणे असा सुमारे ६२ हजार ८०० रूपये किमतीचा ऐवज चोरून नेला. अधिक तपास पोलिस नाईक शिरवले करीत आहेत.
कार्बननाका भागात एकाची आत्महत्या
नाशिक (इंडिया दर्पण वृत्तसेवा) – ३९ वर्षीय व्यक्तीने आपल्या राहत्या घरात गळफास लावून घेत आत्महत्या केल्याची घटना औद्योगीक वसाहतीतील कार्बननाका भागात घडली. संदिप शिवाजी चव्हाण (रा.वरूण अपा.कार्बनाका,शिवाजीनगर) असे मृत व्यक्तीचे नाव आहे. चव्हाण यांच्या आत्महत्येचे कारण समजू शकले नाही.
याप्रकरणी सातपूर पोलिस ठाण्यात मृत्यूची नोंद करण्यात आली आहे. चव्हाण यांनी शुक्रवारी (दि.१७) अज्ञात कारणातून आपल्या राहत्या घरातील पंख्यास दोरी बांधून गळफास लावून घेतला होता. त्यात त्यांचा मृत्यू झाला. याबाबत कपिल मराठे यांनी दिलेल्या खबरीवरून पोलिस दप्तरी मृत्यूची नोंद करण्यात आली असून अधिक तपास पोलिस नाईक वाघमारे करीत आहेत.
