बांधकाम साईटवर काम करणा-या कामगाराचा फिट आल्याने मृत्यू
नाशिक (इंडिया दर्पण वृत्तसेवा) – सिडकोतील महाराणा प्रताप चौक भागात बांधकाम साईटवर काम करणा-या कामगाराचा फिट आल्याने मृत्यू झाला. राजेश रामदास गाडेकर (३५ रा.आम्रपाली झोपडपट्टी उपनगर) असे मृत कामगाराचे नाव आहे.याप्रकरणी अंबड पोलिस ठाण्यात मृत्यूची नोंद करण्यात आली आहे.
गाडेकर बांधकाम कामगार असून तो नेहमीप्रमाणे सोमवारी (दि.१३) सिडकोतील महाराणा प्रताप चौकात ठेकेदार अमोल गायकवाड यांनी घेतलेल्या बांधकाम साईटवर कामावर गेला होता. सायंकाळच्या सुमारास तो काम करीत असतांना अचानक फिट आल्याने तो बेशुध्द झाला होता. ठेकेदार गायकवाड यांनी त्यास तात्काळ जिल्हारूग्णालयात दाखल केले असता वैद्यकीय सुत्रांनी मृत घोषीत केले. अधिक तपास हवालदार शेख करीत आहेत.
वेगवेगळया भागात राहणा-या दोघांची आत्महत्या
नाशिक (इंडिया दर्पण वृत्तसेवा) – शहरात सोमवारी वेगवेगळया भागात राहणा-या दोघांनी आत्महत्या केली आहे. याप्रकरणी देवळाली कॅम्प आणि अंबड पोलिस ठाण्यात मृत्यूच्या नोंदी करण्यात आल्या आहेत. पहिली घटना सिडकोत घडली. कैलास शंकर मानसिंगे (४५ रा.पंडीतनगर) यांनी सोमवारी आपल्या राहत्या घरातील किचनमध्ये अज्ञात कारणातून पंख्याच्या हुकाला दोरी बांधून गळफास लावून घेतला होता. त्यात त्यांचा मृत्यू झाला. याबाबत अभिषेक मानसिंगे यांनी खबर दिल्याने अंबड पोलिस ठाण्यात मृत्यूची नोंद करण्यात आली असून अधिक तपास हवालदार शेख करीत आहेत.
दुसरी घटना संसरी गावात घडली. येथील अतुल शेखर गायकवाड (४० रा.वैष्णव प्रसाद अपा.) यांनी सोमवारी आपल्या राहत्या घरातील बेडरूममध्ये अज्ञात कारणातून गळफास लावून घेतला होता. त्यात त्यांचा मृत्यू झाला. भाऊ अमित गायकवाड यांनी दिलेल्या खबरीवरून देवळाली कॅम्प पोलिस ठाण्यात मृत्यूची नोंद करण्यात आली असून अधिक तपास हवालदार मिरजे करीत आहेत.
