नाशिक (इंडिया दर्पण वृत्तसेवा) – दोन दुचाकींमध्ये झालेल्या धडकेत ७४ वर्षीय मोटारसायकलस्वार ठार झाले. अनुराधा टॉकीज जवळ हा अपघात झाला. गोरखनाथ दादानाथ बुवा (रा.डोबीमळा,देवळाली गाव) असे मृत मोटारसायकलस्वाराचे नाव आहे. याप्रकरणी नाशिक रोड पोलिस ठाण्यात मृत्यूची नोंद करण्यात आली आहे. बुवा शनिवारी (दि.११) अनुराधा टॉकीज जवळील दुर्गा मंदिरासमोरून आपल्या दुचाकीवर प्रवास करीत असतांना हा अपघात झाला. अज्ञात भरधाव आलेल्या मोटारसायकलने बुवा यांच्या दुचाकीस धडक दिल्याने ते गंभीर जखमी झाले होते. मुलगा निलेश बुवा यांनी त्यांना तात्काळ जयराम हॉस्पिटल येथे दाखल केले असता उपचार सुरू असतांना त्यांचा मृत्यू झाला. याबाबत डॉ.मनिष छाजेड यांनी दिलेल्या खबरीवरून पोलिस दप्तरी मृत्यूची नोंद करण्यात आली असून अधिक तपास पोलिस नाईक बेग करीत आहेत.
दोन दुचाकींमध्ये झालेल्या धडकेत ७४ वर्षीय मोटारसायकलस्वार ठार
