नाशिक (इंडिया दर्पण वृत्तसेवा) – रेल्वे अपघातात सोमवारी १७ वर्षीय मुलाचा रेल्वेच्या धडकेत तर २० वर्षीय अनोळखी तरूणाचा धावत्या रेल्वेतून पडल्याने मृत्यू झाला. याप्रकरणी आडगाव पोलिस ठाण्यात मृत्यूच्या नोंद करण्यात आली आहे.
पहिली घटना २० वर्षीय अनोळखी तरूण धावत्या रेल्वेतून पडल्याने त्याचा मृत्यू झाला. ओढा रेल्वे स्टेशन मास्तर एस.ए.मोरे यांनी याबाबत मृत्यूची खबर दिल्याने मृत्यूची नोंद करण्यात आली असून दोन्ही घटनांचा तपास जमादार गायकवाड करीत आहेत.
दुस-या घटनेत पृथ्वीराज रामदास पवार (१७ रा.लाखलगाव ता.जि.नाशिक) या अल्पवयीन मुलाचा सोमवारी सकाळच्या सुमारास शिलापूर टोल नाका उड्डाणपूल परिसरात रेल्वे लाईनवर मृतदेह मिळून आला. डाऊन लाईन पोल क्र. १९५ -१ जवळ भरधाव अज्ञात रेल्वेने त्यास धडक दिल्याने त्याचा मृत्यू झाल्याचा अंदाज वर्तविण्यात येत असून, याबाबत लक्ष्मण पवार यांनी दिलेल्या खबरीवरून पोलिस दप्तरी मृत्यूची नोंद करण्यात आली आहे.
