नाशिक (इंडिया दर्पण वृत्तसेवा) – भगूर येथे दुचाकीस्वार दांम्पत्यास बेदम मारहाण करीत एकाने भररस्त्यात महिलेचा विनयभंग केल्याची घटना घडली. याप्रकरणी संशयितास पोलिसांनी अटक केली आहे. योगेश सुरेश रहाणे (४५ रा.करंजकर गल्ली,भगूर) असे अटक केलेल्या संशयिताचे नाव आहे. या प्रकरणी देवळाली कॅम्प पोलिस ठाण्यात विनयभंगासह विविध कलमान्वये गुन्हा दाखल करण्यात आला आहे. पोलिसांनी दिलेल्या माहितीनुसार पीडित विवाहीता सोमवारी (दि.२७) दुपारच्या सुमारास आपल्या पतीसमवेत भगूर येथील रेल्वे बोगदा मार्गाने नुतन विद्यामंदिरच्या दिशेने दुचाकीवर प्रवास करीत असतांना ही घटना घडली. मारूती मंदिर परिसरात दांम्पत्याची दुचाकी अडवित संशयिताने कुठलेही कारण नसतांना शिवीगाळ करीत दोघांना मारहाण केली. या घटनेत महिला आपल्या पतीच्या मदतीला धावून गेली असता संशयिताने भररस्त्यात तिचा विनयभंग केला. यावेळी संशयिताने पोलिसात गेला तर पाहून घेईल अशी धमकी दिली असून अधिक तपास हवालदार म्हसदे करीत आहेत.
भगूर येथे दुचाकीस्वार दांम्पत्यास बेदम मारहाण; भररस्त्यात महिलेचा विनयभंग
प्रातिनिधीक फोटो
