नाशिक (इंडिया दर्पण वृत्तसेवा) – औद्योगीक वसाहतीतील अल्फा इंजिनिअरींग कंपनी भरधाव अज्ञात वाहनाने दिलेल्या धडकेत सायकलस्वार वृध्द कामगार ठार झाले. छोटूलाल गंगाधर विसपूते (६० रा.साईबाबानगर,सिडको) असे मृत सायकलस्वार कामगाराचे नाव आहे. याप्रकरणी अंबड पोलिस ठाण्यात मृत्यूची नोंद करण्यात आली आहे.
पोलिसांनी दिलेल्या माहितीनुसार विसपूते गुरूवारी (दि.३) रात्री सेवा बजावून आपल्या घराकडे सायकलवर जात असतांना हा अपघात झाला. औद्योगीक वसाहतीतील अल्फा इंजिनिअरींग कंपनीसमोर भरधाव अज्ञात वाहनाने धडक दिल्याने ते गंभीर जखमी झाले होते. त्यांना तातडीने पाथर्डी फाटा येथील वक्रतुंड हॉस्पिटल येथे दाखल केले असता डॉ.सागर मंडलिक यांनी तपासून मृत घोषीत केले. अधिक तपास हवालदार अहिरराव करीत आहेत.
तडिपारास पोलिसांनी केले गजाआड
विहितगाव परिसरात वावर ठेवणा-या तडिपारास पोलिसांनी गजाआड केले आहे. ही कारवाई शहर गुन्हे शाखेच्या युनिट २ च्या पथकाने केली. याप्रकरणी उपनगर पोलिस ठाण्यात गुन्हा दाखल करण्यात आला आहे. भुषण बाळू जाधव (२५ रा.अर्पण सोसा.विहीतगाव) असे जेरबंद करण्यात आलेल्या तडिपाराचे नाव आहे. जाधव याच्या गुन्हेगारी कारवायांमुळे त्याच्याविरोधात पोलिसांनी शहर आणि जिह्यातून दोन वर्षांसाठी हद्दपारीची कारवाई केली आहे.
तडिपार असतांनाही त्याचा वावर शहरातच असल्याची माहिती पोलिसांना मिळाली होती. पोलिस त्याच्या मागावर असतांनाच युनिट २ च्या पथकास मिळालेल्या माहितीच्या आधारे ही कारवाई करण्यात आली. गुरूवारी (दि.३) रात्री तो आपल्या घरी असल्याची माहिती मिळताच पोलिसांनी धाव घेत त्यास जेरबंद केले. याबाबत पोलिस नाईक नितीन फुलमाळी यांनी दिलेल्या फिर्यादीवरून गुह्याची नोंद करण्यात आली असून अधिक तपास पोलिस नाईक गुंड करीत आहेत.
nashik city crime police theft dacoity murder suicide fight beaten
