नाशिक – गेल्या काही दिवासांपासून सातत्याने कोरोना प्रतिबंधक लसीसाठी नाशिककर गैरसोयीचा सामना करीत आहेत. अद्यापही त्यांची गैरसोय कायम राहणार असल्याचे स्पष्ट होत आहे. उद्या बुधवारी (१४ जुलै) शहरात मुबलक प्रमाणात लस उपलब्ध होणार असली तरी केवळ ती दुसरा डोस घेणाऱ्यांसाठीच असणार आहे. शहरी प्राथमिक आरोग्य केंद्राच्या ठिकाणी लसीकरण केंद्र चालू असणार आहे. तसेच नाशिक शहरातील ज्या नागरिकांचा कोविशील्ड या लसीचा दुसरा डोस बाकी असेल त्यांचेच लसीकरण शहरी प्राथमिक आरोग्य केंद्रावर होणार आहे. तरी शहरातील नागरिकांनी १४ जुलै रोजी इतर कोणत्याही लसीकरण केंद्रावर जाऊन गर्दी करू नये, असे आवाहन नाशिक महानगरपालिकेच्या वतीने करण्यात येत आहे.
खालील प्रमाणे लसीकरण केंद्र (श. प्रा. आरोग्य केंद्र ) (दि. १४/७/२०२१ करिता)