नांदेड (इंडिया दर्पण वृत्तसेवा) – नांदेड जिल्ह्यातील माळेगाव येथील तलावात बालकाचा मृतदेह आढळून आला. सुमारे ५० लाखांची खंडणी न दिल्याने १४ वर्षीय बालकाची हत्या झाल्याची धक्कादायक घटना उघडकीस आली आहे. परमेश्वर प्रकाश बोबडे असे मृत बालकाचे नाव आहे. या घटनेने परिसरात एकच खळबळ उडाली असून अपहरण करून हातपाय बांधून फेकल्याने त्याची खूप चर्चा होत आहे.
हातपाय बांधून तलावात फेकले
याबाबत अधिक माहिती अशी की, परमेश्वर या बालकाचे परभणी शहरातील कृषिसारथी भागातून अपहरण झाले होते. परमेश्वर हा गुरूकूल निवासी शाळेत इयत्ता नववीत होता. विशेष म्हणजे तो ७ सप्टेंबर रोजी परिक्षेचा पेपर देऊन घरी जात असताना त्याचे अज्ञात आरोपींनी अपहरण केले होते. याची माहिती त्याच्या पालकांना मिळताच ते चांगलेच घाबरून गेले, त्यांनी पोलिसांत धाव घेतली. या पालकांनी पोलीस ठाण्यात जाऊन पोलिसांत तक्रार नोंदवली. त्यानंतर पोलिसांनी अपहरणाचा गुन्हा नोंद केला. पोलिसांनी गुन्हा नोंद केल्यानंतर तपासाला सुरुवात केली. त्यानंतर पोलिसांनी दोन संशयित आरोपींना ताब्यात घेतले. यानंतर या आरोपींनी गुन्हा कबूल केला. त्यांनी परमेश्वरचे हातपाय बांधून तलावात फेकल्याचे सांगितले.
५० लाखांची मागणी
त्या अपहरणकर्त्यांनी परमेश्वरच्या वडिलांकडून ५० लाख रुपयाची खंडणी मागितली होती. परमेश्वर याचे वडील प्रकाश बोबडे यांनी खंडणी न दिल्याने अपहरणकर्त्यांनी परमेश्वरचा खून करून तलावात फेकून दिल्याचे पोलीस तपासात समोर आले आहे. तत्पूर्वी, या प्रकरणाचा पुढील तपास पोलीस करत आहेत. या घटनेने नांदेड आणि परभणी जिल्ह्यात खळबळ उडाली आहे. गुंड लोकांनी मुलाच्या पालकांना, ५० लाख रुपये दे अन्यथा तुझ्या मुलाला जीवे मारू, अशी धमकी परमेश्वर याच्या वडिलांना देण्यात आली होती. या घटनेची माहिती परमेश्वर याचे वडील प्रकाश बोबडे यांनी परभणी येथील नवा मोंढा पोलीस ठाण्यात दिली होती. या घटनेने नांदेड आणि परभणी जिल्ह्यात खळबळ उडाली आहे. पोलिसांनी गुन्हा नोंद केल्यानंतर तपासाला सुरुवात केली. त्यानंतर पोलिसांनी दोन संशयित आरोपींना ताब्यात घेतले. यानंतर या आरोपींनी गुन्हा कबूल केला. त्यांनी परमेश्वरचे हातपाय बांधून तलावात फेकल्याचे सांगितले. हे ऐकून सर्वत्र हळहळ आणि संताप व्यक्त होत आहे.
Nanded Crime Kidnapping Child Murder Police Investigation
