पुणे – गेल्या काही काळात ग्राहकांचा म्युच्युअल फंड एसआयपी (सिस्टिमॅटिक इन्व्हेस्टमेंट प्लॅन) मध्ये गुंतवणूक करण्याचा कल वाढला आहे. विशेषतः युवा पिढी आपल्या करिअरच्या सुरुवातीला एसआयपीमध्ये मोठ्या प्रमाणात गुंतवणूक करत आहे. कमी रकमेच्या हफ्त्याची गुंतवणूक दीर्घकाळ करून चांगला परतावा मिळणे किंवा चांगली रक्कम जमविणे सोपे ठरत असल्याने म्युच्युअल फंड एसआयपी लोकप्रियता अधिक वाढली आहे.
म्युच्युअल फंड एसआयपीमध्ये गुंतवणूक करताना काही मूलभूत गोष्टींचा विचार करणे आवश्यक आहे. म्युच्युअल फंड एसआयपीमध्ये गुंतवणूक करणारे ग्राहक माहितीच्या अभावामुळे काही चुका करतात. तेव्हा गुंतवणूक करताना होणार्या चुका टाळण्यासाठी आम्ही तुम्हाला काही गोष्टींची माहिती देणार आहोत.
तज्ज्ञ सांगतात की, म्युच्युअल फंड एसआयपीमध्ये गुंतवणूक करताना आपले लक्ष्य ठरवून त्यानुसार फंडाची निवड करावी. जर तुम्हाला मोठी रक्कम गुंतवायची असेल तर एकाच फंडाऐवजी वेगवेगळ्या योजनांमध्ये गुंतवणूक करणे योग्य ठरेल. वेगवेगळ्या योजनांमध्ये गुंतवणूक करतानासुद्धा वेगवेगळ्या तारखांच्या हिशेबानुसार गुंतवणूक करावी.
तज्ज्ञांच्या माहितीनुसार, बेनिफिटची भरपाई गुंतवणूकदारांच्या नेट AUM द्वारे केली जाते. ग्रोथ प्लॅनवर डिव्हिडंड प्लॅनची निवड केल्याने गुंतवणूकदारांची मिळकत दीर्घाकाळात कमी होऊ शकते. कारण गुंतवणूकदार कंपाउंडिंग बेनिफिट किंवा करावरील कराची मुदत चुकू शकतात. डिव्हिडंड प्लॅनऐवजी ग्रोथ प्लॅन चांगले असतात, असे तज्ज्ञ सांगतात.
म्युच्युअल फंड एसआयपीची योजना निवडताना गुंतवणूकदारांना एक सल्ला दिला जातो. तो हा की, म्युच्युअल फंडाच्या एक किंवा दोन वर्षांची कामगिरी बघण्याऐवजी त्याच्या गेल्या पाच ते दहा वर्षांच्या कामगिरीचे मूल्यांकन करावे. त्याशिवाय या काळात बेंचमार्क इक्विटी रिटर्न पाहणे योग्य ठरेल. योजना निवडताना म्युच्युअल फंडाची दीर्घकाळाची कामगिरी कशी आहे हे पाहण्याचा सल्ला दिला जातो.
म्युच्युअल फंडात गुंतवणूक करणार्यांना असे वाटते की, कमी NAV (Net Asset Value) असणारे म्युच्युअल फंड एसआयपी अधिक परतावा देतात. परंतु गुंतवणूकदारांना NAV ऐवजी म्युच्युअल फंडाच्या मागील कामगिरीचा आढावा लक्षात घेतला पाहिजे. गुंतवणूकदारांचा असेट मॅनेजर म्युच्युअल फंडाच्या NAV पेक्षा अधिक अर्थपूर्ण असतो, हे गुंतवणूकदारांनी लक्षात ठेवावे.
