पुणे (इंडिया दर्पण वृत्तसेवा) – कसबा तो झांकी है, महाराष्ट्र अभी बाकी है, असे म्हणत खा.संजय राऊत यांनी आगामी निवडणुकीबाबत मोठे विधान केले आहे. राज्यातील जनतेचा मूड पाहता विधानसभा निवडणुकीत महाविकास आघाडीला २०० आणि लोकसभेत ४० पेक्षा अधिक जागा मिळतील असा दावाही त्यांनी केला आहे. यावेळी त्यांनी २०२४ पर्यंत महाविकास आघाडीने मजबूतीने, एकत्र काम केले व एकजूट दाखवली तर हे निकाल लागलीत असे त्यांनी स्पष्ट केले.
कसबा विधानसभा पोटनिवडणुकीत विजय मिळाल्यानंतर महाविकास आघाडीचा उत्साह वाढल्याचे त्यांनी सांगितले. यावेळी त्यांनी दोन पोटनिवडणुकांनी धडे दिल्याचे सांगितले. एकत्र राहिलो तर कसब्याचा निकाल लागतो व थोडं जरी इकडे तिकडे झालं एकादा बंडखोर, एखादा घटक पक्ष बाजूला गेला तर चिंचवडप्रमाणे निकाल लागतो. यावेळी त्यांनी कसब्यातील मतदारांनी सत्ताधाऱ्यांना चपराक दिली आहे. त्यापासून त्यांनी धडा घेतला पाहिजे. पुणेकरांना विकत घेण्याचा प्रयत्न झाला. पण पुणेकर त्या अमिषाला बळी पडले नाहीत असेही ते म्हणाले.
