नवी दिल्ली (इंडिया दर्पण वृत्तसेवा) – मंकीपॉक्स विषाणूची ओळख पटण्यासाठी प्रयोगशाळेत नमुने पाठवावे लागत होते. आता मात्र यासाठी सोपा मार्ग सापडला आहे. पहिले स्वदेशी मंकीपॉक्स टेस्ट किट लाँच करण्यात आले आहे. त्यामुळे या आजाराचे निदान करणे आता सोपे होणार आहे. या शोधाने मोठा दिलासा मिळाला आहे. यापुढील काळात या कीटचा मोठ्या प्रमाणात वापर होण्याची चिन्हे आहेत.
देशात कोरोना संसर्गासोबतच मंकिपॉक्स हा आजारही पसरताना दिसत आहे. ट्रांसएशिया एर्बा मंकीपॉक्स आरटी पीसीआर किट अतिशय संवेदनशील असून हाताळायला सोपे आहे. त्यामुळे आता मंकीपॉक्स विषाणू संसर्ग झालेल्या रुग्णांचा अहवाल लवकर येऊन त्यांच्यावर वेळीच उपचार करण्यास मदत होणार आहे. केंद्र सरकारचे प्रमुख वैज्ञानिक सल्लागार अजयकुमार सुद यांच्या हस्ते पहिले स्वदेशी मंकीपॉक्स आरटीपीसीआर किट लाँच करण्यात आले आहे.
ट्रांसएशिया एर्बा मेडिकल्स या फार्मा कंपनीने हे मंकीपॉक्स आरटीपीसीआर किट तयार केले आहे. देशात मंकीपॉक्सच्या वाढत्या केसेसमुळे केंद्रीय आरोग्य मंत्रालय अलर्ट झाले आहे. यानंतर आता केंद्र सरकारकडून पहिले भारतीय मंकीपॉक्स टेस्ट किट लाँच करण्यात आलं आहे. आंध्र प्रदेशातील मेडटेक झोन येथे शुक्रवारी १८ ऑगस्ट रोजी हे किट लाँच करण्यात आले आहे. त्यामुळे आता मंकीपॉक्स विषाणू संसर्ग झालेल्यांचे निदान होणं सोपं होणार आहे. त्यामुळे रुग्णांना वेळी उपचार मिळून मृत्यूचा धोकाही कमी होईल.
आता भारतीय वैद्यकीय संशोधन परिषद म्हणजेच ICMR कडून मंकीपॉक्सच्या रुग्णांच्या संपर्कात आलेल्या लोकांमध्ये अँटीबॉडीजची उपस्थिती तपासण्यासाठी सेरो – सर्वेक्षण करण्याची शक्यता आहे. यासोबतच ICMRकडून मंकीपॉक्स रुग्णांच्या संपर्कात आलेले पण संसर्गाची लक्षणे नसणाऱ्या व्यक्तींचीही पुन्हा तपासणी करण्याची शक्यता आहे.
देशभरात मंकिपॉक्सच्या रुग्णांची संख्या सातत्याने वाढते आहे. ही संख्या आता दहापर्यंत पोहचली आहे. या रुग्णांमध्ये आठ पुरुष आणि दोन महिलांचा समावेश आहे. राजधानी दिल्लीमध्ये मंकीपॉक्सचे पाच रुग्ण आढळले आहेत, तर पाच रुग्ण केरळमध्ये आढळले आहेत. दिल्ली आणि केरळमधील प्रत्येकी एका रुग्णांला डिस्चार्ज देण्यात आला आहे. तर केरळमध्ये एका रुग्णाचा मृत्यू झाला आहे.
‘या किटच्या मदतीने मंकीपॉक्सचा संसर्ग लवकर ओळखला जाऊ शकतो. ट्रान्सएशिया एर्बा मंकीपॉक्स आरटीपीसीआर किट अतिशय संवेदनशील असून वापरण्यास सोपे आहे. यामुळे संक्रमणा पूर्वीचं निदान आणि उत्तम व्यवस्थापन करण्यास मदत होईल.’, असे ट्रान्स एशियाचे संस्थापक अध्यक्ष सुरेश वझिरानी यांनी म्हटले आहे.
Monkey Pox Disease Detection Kit Launch Indian
Tranasia Medical Kit
