बापरे! यात्रेत तब्बल ५० फुटावरुन पाळणा कोसळला; बघा, अंगावर काटा आणणारा थरारक व्हिडिओ

इंडिया दर्पण ऑनलाईन डेस्क – भारतीय संस्कृतीत सण उत्सवाप्रमाणेच यात्रांनाही महत्त्वाचे स्थान आहे. या यात्रांमध्ये विशेष आकर्षण असते. मात्र, पंजाबमधील मोहालीत यात्रेत एक गंभीर दुर्घटना घडली आहे. या यात्रेत आकाश पाळणा तब्बल ५० फुटावरुन अचानकपणे जोरदार कोसळला. या अपघातात २०हून अधिक जण जखमी झाले आहेत. मात्र, सुदैवाने या अपघातात कोणतीही जिवीतहानी झालेली नाही.

मोहालीत दसरा मैदानावर भरलेल्या जत्रेत एक विचित्र घटना घडली. या जत्रेत एक झुला हवेत तुटला आणि तब्बल ५० फुटांवरुन खाली कोसळला. या झुल्यावर जवळपास ५० जण बसले होते. सुदैवाने या घटनेत कोणाचा जीव गेलेला नाही मात्र २० जण जखमी झाले आहेत. जखमींना तात्काळ सिव्हिल हॉस्पिटलमध्ये दाखल करण्यात आले आहे. कोणाचीही प्रकृती गंभीर नसल्याचे सांगण्यात येत आहे.

या जत्रेतील आकाश पाळणा अचानक कोसळला. जखमींमध्ये महिला आणि लहान मुलांचा समावेश आहे. पाळणा कोसळताचा अंगावर काटा आणणारा व्हिडिओ व्हायरल झाला आहे. पाळणा कोसळल्यानंतर मैदानात एकच धावपळ उडाली. जखमींना तातडीने उपचारासाठी दाखल करण्यात आले. आकाश पाळणा थेट जमीनीवर आपटल्याचे व्हिडिओत दिसत आहे. हा पाळणा जमीनीवर आपटल्यानंतर पाळण्यात बसलेले लोक बाहेर पडल्याचे थरारक दृष्य कॅमेऱ्यात कैद झाले आहे.

मोहालीच्या सेक्टर ६५ मध्ये एका जत्रेचे आयोजन करण्यात आले होते. या जत्रेत मोठ्या प्रमाणात लोक सहभागी झाले होते. येथे एका झुल्यावर जवळपास ५० लोक बसले होते. पण, अचानक ५० फुटांच्या उंचीवर असताना हा झुला तुटला आणि कुणीही काही करण्याच्या आत तो थेट जमिनीवर येऊन कोसळला. ही दुर्घटना इतकी भीषण होती की बघणारा प्रत्येक जण हादरुन गेला. तसेच ही घटना घडताच परिसरात एकच खळबळ उडाली. आरडोओरड ऐकून नागरिक जमले, त्यानंतर जखमीना तात्काळ रुग्णालयात दाखल करण्यात आलं. घटनेची माहिती मिळताच पोलीसही घटनास्थळी दाखल झाले. पोलिसांनी दिलेल्या माहितीनुसार, याप्रकरणाचा संपूर्ण तपास करुन दोषींवर कारवाई केली जाईल.

विशेष म्हणजे येथे रुग्णवाहिका, पीसीआर सुविधा नव्हती. जत्रेतील आकाश पाळण्याचे बाऊन्सर हे जागेवर नव्हते. ते अपघाताच्या तब्बल २० मिनिटांनंतर घटनास्थळी आले. कोणत्याही सुरक्षा, आपत्कालीन व्यवस्थेशिवाय ही जत्रा कशी सुरु होती? असाही प्रश्न यावेळी उपस्थित झाला. सिव्हिल हॉस्पिटलचे डॉक्टर म्हणाले की, ‘आम्हाला रात्री ९-९.१५ वाजता कळाले की जत्रेत झुला पडला आहे. आतापर्यंत १५ जण आमच्याकडे आले आहेत. आलेल्यापैकी कोणालाही गंभीर दुखापत झालेली नाही.

https://twitter.com/laasiyapriya/status/1566481372545355777?s=20&t=KM_vEqec6dFP3u1ekLf6SQ

Mohali Fair Swing Collapse Accident 20 Injured
Police Punjab