इंडिया दर्पण ऑनलाईन डेस्क – आपल्या अतरंगी स्टाइलमुळे नेहमीच चर्चेत असलेली मॉडेल म्हणजे उर्फी जावेद. तिची हटके स्टाईल नेहमीच सर्वांचं लक्ष वेधून घेत असते. सध्या ती एका वेगळ्याच कारणामुळे चर्चेत आली आहे. नुकतीच तिने एक आलिशान गाडी खरेदी केली आहे. विशेष म्हणजे तिने ही गाडी आपल्या टीम आणि स्टाफसाठी घेतली आहे.
उर्फी जावेद नेहमीच तिच्या अतरंगी कपड्यांमुळे चर्चेत असते. उर्फीचा एक व्हिडीओ सध्या सोशल मीडियावर खूप व्हायरल होत आहे. थांबा, नेहमीप्रमाणे तुम्हाला जर तो तिच्या कपड्यांचा व्हिडीओ असेल, असं वाटत असेल, तर ते तसं नाही. हा व्हिडीओ आहे तिच्या गाडीचा. व्हिडीओमध्ये ती तिच्या नवीन गाडीवरून पडदा काढताना दिसते आहे. उर्फीने गाडीच्या शोरूममध्येच केक कापत नवीन गाडी खरेदी केल्याचं सेलिब्रेशन केलं. ऑडी किंवा बीएमडब्ल्यू नाही तर नवी कोरी एसयूव्ही गाडी खरेदी केली आहे. या गाडीची किंमत २५ ते ३१ लाखांच्या दरम्यान आहे.
ई टाइम्सने दिलेल्या वृत्तानुसार, उर्फीनं ही गाडी तिच्यासाठी नाही तर तिच्यासोबत काम करणाऱ्यांसाठी घेतली आहे. याचं कारण म्हणजे शूटिंगच्या ठिकाणी तिच्या टीमला रिक्षाने यावं लागतं. त्यामुळेच तिच्या पहिल्या गाडीपेक्षा ही मोठी गाडी तिने घेतली आहे.“ या गाडीत माझा मॅनेजर, माझा मेकअप आर्टिस्ट, बाउंसरसोबत सगळे आरामात बसू शकतात,” असं उर्फी म्हणाली. नेहमी शब्दाला शब्द वाढवून वाद घालताना दिसणाऱ्या उर्फीचा हा हटके अंदाज सर्वांनाच भावला आहे.
Model Urfi Javed Buy new Luxurious Car
