नवी दिल्ली (इंडिया दर्पण वृत्तसेवा) – नुकताच प्रदर्शित झालेला ‘मासूम सवाल’ हा चित्रपट वादात सापडला आहे. गाझियाबाद जिल्ह्यातील साहिबाबाद पोलीस ठाण्यात चित्रपटाच्या निर्माता आणि दिग्दर्शकाविरोधात गुन्हा दाखल करण्यात आला आहे. चित्रपट निर्मात्याने हिंदूंच्या धार्मिक भावना दुखावल्या असल्याचे फिर्यादीत म्हटले आहे.
तक्रारदार, हिंदु राष्ट्र नवनिर्माण सेनेचे अध्यक्ष अमित राठोड म्हणतात की, चित्रपटाच्या पोस्टरमध्ये सॅनिटरी पॅडवर भगवान श्रीकृष्णाचे चित्र टाकून चित्रपट निर्मात्याने हेतुपुरस्सर हिंदूंच्या भावना भडकावल्या आहेत. हा चित्रपट ५ ऑगस्टला प्रदर्शित झाला. निर्माता-दिग्दर्शकाने जाणूनबुजून हिंदूंच्या श्रद्धा दुखावल्याचा आरोप तक्रारकर्त्याने केला आहे. तक्रारीच्या आधारे चित्रपटाचे दिग्दर्शक संतोष उपाध्याय आणि निर्माण नक्षत्र २७ मीडियाचे दिग्दर्शक यांच्याविरुद्ध साहिबााबाद पोलीस ठाण्यात गुन्हा दाखल करण्यात आला आहे.
‘मासूम सवाल’ या चित्रपटाच्या पोस्टरवरून सोशल मीडियावर वाद निर्माण झाला आहे. चित्रपटाच्या पोस्टरमध्ये कृष्णाचा फोटो सॅनिटरी पॅडच्या आकारात दाखवण्यात आला आहे, ज्यावर काही जणांनी आक्षेप घेत आहेत. दिग्दर्शक संतोष उपाध्याय दिग्दर्शित ‘मासूम सवाल’ हा चित्रपट मासिक पाळी आणि त्याच्याशी संबंधित वाईट गोष्टींवर आधारित आहे.
नितांशी गोयल, एकावली खन्ना, शिशिर शर्मा, मधु सचदेवा, रोहित तिवारी, वृंदा त्रिवेदी, रामजी बाली, शशी वर्मा या कलाकारांनी या चित्रपटात काम केले आहे. चित्रपटाची कथा कमलेश के मिश्रा यांनी लिहिली आहे. या चित्रपटाचा ट्रेलर १८ जुलै रोजी प्रदर्शित झाला असून ५ ऑगस्ट रोजी चित्रपटगृहात प्रदर्शित झाला आहे. मात्र, रिलीजपूर्वीच हा चित्रपट त्याच्या पोस्टरवरून वादात सापडला होता. सॅनिटरी पॅडवर भगवान श्रीकृष्णाचे चित्र पाहून सोशल मीडियावर खळबळ उडाली. आता अखेर गुन्हा दाखल झाला आहे.
Masoom Sawaal Film Controversy FIR Registered
Bhagwan Krishna Photo on Sanitary Pad Poster
Producer and Director Booked
